Noticias

O Programa de educadores de rúa concluíu unha das súas actividades, o torneo de fútbol sala, coa entrega de premios aos participantes. A Concellería de Benestar Social puxo en marcha esta experiencia piloto no mes de xaneiro e nela están a participar 150 rapaces e rapazas do barrio de Fontiñas, que están a disfrutar dun ocio alternativo e saudable.

"E-información. Integración e rendibilidade nun entorno dixital" é o lema das "X Xornadas Españolas de Documentación", que se celebran no Palacio de Congresos entre o 9 e o 11 de maio.

A parroquia de Enfesta é a protagonista da última das exposicións da primeira fase de "A historia vai por barrios", despois das que pasaron por San Pedro, A Rocha, Villestro, Vite e o Ensanche. No seu local sociocultural, o alcalde compostelán, Xosé A. Sánchez Bugallo, inaugurou a mostra, que permanecerá aberta ata o 10 de xuño.

No Hotel Los Abetos, a Asociación de Empresarios de Hostalería de Santiago de Compostela e Comarca celebrou a festividade de Santa Marta, patroa de Hostalería.

O concerto de Van Morrison o sábado 19 de maio e as actuacións de balde de La Quinta Estación, Macaco ou Gisela serán os pratos dunha nova edición das festas da Ascensión, que se celebrarán do 15 ao 25 de maio. O programa foi presentado polo concelleiro de Festas, Xosé Baqueiro, quen indicou que estaba pensando "para nenos e maiores, para composteláns e visitantes".

O programa "A historia vai por barrios" chegará o 9 de maio a Enfesta. Despois de pasar por San Pedro, A Rocha, Villestro, Vite e o Ensanche, esta iniciativa de dinamización sociocultural toca ao seu fin por este ano coa derradeira mostra, unha nova invitación ao encontro entre a veciñanza e ao mellor coñecemento da propia historia.

O alcalde compostelán, Xosé A. Sánchez Bugallo, vén de asinar dous convenios de colaboración cos presidentes das asociacións Abagal (Asociación de Bulimia e Anorexia de Galicia), María Flora Cajide, e de TP-Galicia (Asociación Galega para a Asistencia e Investigación dos trastornos da personalidade), Germán Medina Sánchez.

Unha nova campaña da Concellería de Política Lingüística promoverá a transmisión interxeracional do galego. A iniciativa difundirá o uso do idioma dende a etapa do embarazo ata que o nome do novo neno é inscrito no Rexistro Civil.

A sala Isaac Díaz Pardo do Auditorio de Galicia acollerá ata o 2 de setembro a exposición "Compostelarte", que reúne a obra pictórica de sete artistas nado ou residentes en Santiago.

A Concellaría de Promoción Económica destina 40.000 euros a Incentivos para a creación de novas empresas en Santiago de Compostela, incluídos no programa Compostela Activa 2007. Este ano as axudas destinadas a novas empresas increméntanse un 33%, pasando dos 30.000 euros do 2006, dos que se beneficiaron 29 firmas, a 40.000 euros. O obxectivo destas subvencións é axudar economicamente aos novos proxectos empresariais ou novos autónomos a consolidar os seus negocios. Subvencionaranse cun máximo de 2.000 euros os gastos...