FUNDACIÓN GRANELL
A Fundación Granell amosa o seu "Belén surrealista"
A Fundación Granell, como xa ven facendo outros anos, presenta o seu novo "Belén surrealista", que se poderá visitar ata a primeira semana do mes de xaneiro no espazo de recepción do museo. Este Belén, está composto por diferentes figuras, que pertencen a colección étnica da Fundación, con pezas de Portugal, Porto Rico, Polonia, Canada, India ou España, entre outros países, ademais dunha estrela de lata que realizou o propio Eugenio Granell.
CENTROS SOCIOCULTURAIS
A historia vai á Rocha
Despois do paso por San Pedro, o proxecto "A historia vai por barrios" chega á Rocha. Unha oportunidade para que os cidadáns coñezan a súa historia e se sensibilicen sobre o patrimonio material e inmaterial que herdaron. A mostra e diversas actividades de animación cultural conforman a iniciativa.
CULTURA
Cineuropa reuniu máis de 24.000 espectadores na súa XX edición
O festival de cinema Cineuropa amosou na súa XX edición que a vocación de converterse no maior festival de Galicia, coa que foi creado no 1986, se fixo xa realidade. Cineuropa foi capaz de congregar este mes de novembro, entre todas as salas, a un total de 24.795 espectadores, cifra non acadada por ningún outro festival de cinema galego.
CULTURA
O V Festival Agustín Magán reúne en Compostela a seis compañías de teatro afeccionado
O teatro afeccionado volve atopar, por quinto ano consecutivo, o seu espazo no Teatro Principal, no seo do festival Agustín Magán. Seis compañías galegas amosarán ante os espectadores o seu talento para a escena.
MEDIO AMBIENTE E EDUCACIÓN
Un novo programa conciencia aos escolares sobre recollida selectiva de papel e cartón
O Concello de Santiago de Compostela, dende as concellarías de Medio Ambiente e de Educación, pon en marcha un programa de implantación do servizo de recollida selectiva de papel e cartón en centros educativos do termo municipal de Santiago de Compostela. Este servizo, gratuíto para os centros, será realizado por persoal de COREGAL e terá lugar no presente curso escolar 2006-2007.
BENESTAR SOCIAL
Compostela forma futuros voluntarios
Na véspera da celebración do Día do Voluntariado, a Comisión de Voluntariado do Consello Municipal de Servizos Sociais pon en marcha a ampliación da campaña "Sácalle Punta". Esta campaña pretende promover a acción social entre os mozos e mozas de Santiago.
EMIGRACIÓN E INMIGRACIÓN
O intendente de Bos Aires trasmítelle á concelleira de Emigración o desexo de irmandarse con Santiago
A Concelleira de Emigración e Inmigración do Concello de Santiago, Teresa Regúlez, reuniuse esta mañá na Casa do Concello, co delegado para Arxentina e América do Consello da Galeguidade, Santos Gastón Juan.
PROMOCIÓN ECONÓMICA
Santiago busca novos compradores
O concelleiro de Promoción Económica e Comercio, Xosé Manuel Iglesias, e o director-xerente da Sociedade de Imaxe e Promoción Turística de Galica, Turgalicia, Xesús Pereira, asinaron o convenio para o desenvolvemento da campaña Compostela Capital de Compras, co obxeto de convertir á cidade nun referente comercial da euro-rexión Galicia-Norte de Portugal.
TRÁFICO
Corte de tráfico na Rúa Xeneral Pardiñas por mor dunha avaría na rede de saneamento
A rúa Xerneral Pardiñas permanecerá cortada ao tráfico ata o luns 11 de decembro por mor dunha avaría na rede de saneamento. Mentres duren as obras estará pechado o tramo entre as rúas República Arxentina e República do Salvador. Neste período unicamente quedará permitido o o acceso dos residentes aos garaxes e de vehículos autorizados.
INVESTIMENTOS
Novos investimentos para Compostela
O voceiro do Goberno e deputado provincial, Francisco Candela, anunciou os investimentos para Santiago previstos nos orzamentos da Deputación da Coruña PARA 2007. O órgano provincial destinará a Santiago 1.260.000 euros en subvencións nomitativas, ademais de executar outra serie de proxectos de infraestruturas, deportes ou sociais.
