Noticias

O IES Porto do Son foi o gran triunfador da IV edición dos premios Educacompostela, ao gañar o primeiro e o segundo premio. Estes galardóns recoñecen aqueles materiais educativos que polo seu valor e interese poidan contribuír ao desenvolvemento educativo de Galicia.

O alcalde compostelán, Xosé A. Sánchez Bugallo, expresou a súa satisfacción pola reunión mantida co secretario de Estado de Defensa, Francisco Pardo Piqueras, e co director xeral de Infraestruturas de Defensa, Julián Sánchez Pingarrón, na que se avanzou na decisión sobre os terreos de Bando. "Atopamos o camiño que nos dá a solución", apuntou, despois das discrepancias xurdidas entre a taxación feita polos técnicos do Concello e os do Ministerio.

O alcalde compostelán, Xosé A. Sánchez Bugallo, inaugurará o venres 6 en Bilbao, xunto co rexedor bilbaíno, Iñaky Azkuna, a rúa "Santiago de Compostela". Deste xeito, ámbalas dúas urbes quedan unidas de forma simbólica: Santiago estará presente no rueiro de Bilbao e viceversa, porque unha rúa compostelá, situada na nova urbanización entre a Choupana e Mestre Mateo e aínda non inaugurada oficialmente, leva o nome da cidade biscaíña, tal como aprobou o Pleno da...

Dentro da programación do Festival Internacional de Títeres "Galicreques 2006", chega a Compostela o actor, titiriteiro, escenógrafo e creador de títeres, Juan Manuel Recover. Dirixe a compañía Teatro de la Luna, que se encarga dos programa para títeres do Museo Nacional de Arte Reina Sofía. Falará deles e da súa experiencia traballando para a infancia, formando parte dos encontros coa arte contemporánea e colaborando para crear hábitos culturais entre os máis pequenos.

O Centro Sociocultural A Trisca inaugura o venres 6 de outubro, ás 20.00 horas, a exposición Domani Lavoro, do fotógrafo santiagués Paco Rocha. Esta exposición estará aberta ao público ata o 30 de outubro. Na realización deste proxecto expositivo colaborou a tenda Zürich-SCQ, e a marca de película Rollei.

A Casa do Concello recibiu a visita do Cónsul Xeral de Francia en Bilbao, Thierry Frayssé, que foi recibido polo alcalde compostelán, Xosé A. Sánchez Bugallo. A de Bilbao é a circunscripción consular que abrangue todo o norte peninsular, Galicia incluída.

O alcalde e presidente do Consorcio de Santiago, Xosé A. Sánchez Bugallo, e o decano do Colexio Oficial de Arquitectos de Galicia, Celestino García Braña, asinaron un convenio de colaboración polo que os arquitectos colexiados poderán acollerse ás bolsas destinadas a realizar diversas actuacións dentro dos programas de axuda á Rehabilitación na Cidade Histórica promovidos polo Consorcio de Santiago.

A noite do xoves 5 os mozos e mozas terán un lugar onde se poderán informar sobre o consumo de drogas e os seus efectos. Esta iniciativa forma parte do Proxecto Creative, un programa de prevención do consumo de drogas no ocio nocturno para este curso 2006/2007.

A Fundación Compostela Deporte vén de convocar as axudas para a formación e perfeccionamento dos deportistas composteláns. O seu obxectivo é apoiar a práctica deportiva e facilitar o rendemento dos deportistas con proxección da cidade para acadar a elite deportiva.

A Sociedade Galega de Historia Natural, en colaboración coa Concellaría de Educación e Mocidade, celebra o Día Internacional das Aves, o 5 de outubro, cun programa de actividades. Contribuír a unha maior sensibilización da poboación sobre o medio ambiente é o obxectivo desta iniciativa.