Noticias

Os investimentos, que teñen por obxecto fomentar as iniciativas que relacionen a política de protección patrimonial da Cidade Histórica coas de vivenda, emprego, benestar social e protección ambiental, deben ser aprobados polo Consello de Administración

O profesor, e doutor do Hospital Clínico, Rafael Tojo Sierra dará mañá unha conferencia ás 20.00 h. no Centro Sociocultural e Xuvenil O Ensanche. A charla, na que Tojo falará sobre recomendacións nutricionais para a infancia e a adolescencia e a prevención da obesidade, inaugura o 1º Ciclo de Conferencias Alimentación e Saúde que organiza a Concellaría de Sanidade e Consumo do Concello de Santiago. O departamento de Sanidade busca achegarse aos mitos e realidade da alimentación actual e pretende informar...

No acto de inauguración da avenida que leva o nome da cidade vasca, o alcalde de Santiago, Xosé A. Sánchez Bugallo, estivo acompañado polo rexedor de Bilbao, Iñaki Azkuna.

Nun acto celebrado na praza do Toural, a xornalista Irene Lourido leu un manifesto chamando pola "unión" de homes e mulleres para erradicar a violencia de xénero. Mentres, un grupo de compañeiros tamén xornalistas, en representación das vítimas, ían pendurando do Pazo de Bendaña frases de sensibilización en resposta a algunhas das actitudes machistas máis frecuentes.

María Ignacia Camiña, alumna de 4º da ESO do IES Rosalía de Castro foi a gañadora do primeiro premio da VI edición do concurso "Educando na convivencia en igualdade". O segundo galardón recaeu en Rebeca Bernárdez, do mesmo curso e do mesmo centro, cun debuxo no que se podía ler o lema "As bágoas non son o camiño".

A concelleira de Educación e Mocidade, Elvira Cienfuegos, presentou a XIV edición dos premios Vagalume, programa que ten por obxectivo recoñercer o traballo que persoas individuais e colectivos da cidade realizan cunha clara vocación social.

O Centro sociocultural e xuvenil do Ensanche é un espazo especializado nas novas tecnoloxías, dotado de equipos e programas informáticos dirixidos especialmente á mocidade. Promove a formación básica de mozas e mozos fomentando o emprego das ferramentas dispoñibles de software libre.

O alcalde de Santiago, Xosé A. Sánchez Bugallo, inaugurou esta tarde un simposio no que se analizarán os resultados médicos obtidos nas terapias de tratamentos de cancro que introducen o taxano como principio activo nas sesións de quimioterapia.

O alcalde de Santiago, Xosé A. Sánchez Bugallo, foi o encargado de inaugurar o I Congreso Internacional de Territorio e Urbanismo. O encontro reúne en Compostela durante tres días a expertos de distintas disciplinas para debater sobre a planificación do territorio.

O aeroporto compostelán encabeza as estatísticas do Instituto de Estudios Turísticos da Secretaría General de Turismo sobre o desenvolvemento das liñas aéreas de nova xeración en España, con promedios de crecemento do 104,7%, 132,2% e 185,8% en agosto, setembro e outubro respectivamente.