DEPORTES
Presentación do cartel oficial do Campionato de España de Patinaxe de Grupos Show
Santiago de Compostela será este ano 2014 o escenario do Campionato de España de Patinaxe de Grupos Show, organizado polo Club Deportivo Fontiñas en colaboración co Concello de Santiago. O evento desenvolverase os días 1 e 2 de marzo no Multiúsos Fontes do Sar, pavillón onde tivo lugar o pistoletazo de saída coa presentación oficial do cartel que presidirá estas xornadas de patinaxe a cargo do concelleiro de Deportes, Adrián Varela, e do presidente do C.D. Fontiñas, Javier Laíño.
MERCADOS
Mercagalicia obtivo un beneficio de 55.978 euros no exercicio 2013
Mercagalicia (Mercados Centrais de Abastecemento de Santiago, S.A.) celebrou o seu Consello de Administración, no que se presentaron as contas anuais e o informe de xestión correspondente a 2013. A sociedade obtivo un beneficio de 55.978 euros no pasado exercicio, motivado fundamentalmente polo aluguer de postos que en anos anteriores permanecían baleiros.
SOSTIBILIDADE
O Concello contratará un inventario sobre a iluminación da cidade na procura dunha maior eficiencia enerxética
No Concello de Santiago existen 26.000 puntos de luz, repartidos nun ámbito de máis de 220 quilómetros cadrados por todos os viais do termo municipal, e 600 cadros de mando. Todos eles serán inventariados, xeoreferenciados e introducidos no inventario. Así o anunciou en rolda de prensa a concelleira de Sostibilidade en funcións, Cecilia Sierra, acompañada polo director da Área de Urbanismo e Infraestruturas, José Ángel Oreiro.
ECONOMÍA
Clausurado o programa formativo de creación e consolidación de empresas "Emprende en positivo"
A concelleira de Economía, Reyes Leis, asistiu no Viveiro de Empresas da Cámara de Comercio á clausura do programa formativo de creación e consolidación de empresas e autoemprego Emprende en positivo. A posta en marcha deste programa en Santiago foi posible grazas a un convenio asinado polo Concello coa Cámara de Comercio e coa Fundación Instituto Cameral para a Creación e Desenvolvemento da Empresa (Fundación Incyde).
CONSORCIO
A exposición de fotografías "Santiago de Compostela en branco e negro" amosa os contrastes arquitectónicos da cidade
Presentouse na Casa do Cabido a exposición Santiago de Compostela en branco e negro, unha mostra de fotografías promovida por Teófilo Comunicación en colaboración co Consorcio da cidade. No acto de presentación estiveron a xerente do Consorcio, María Antón; o director de Teófilo Comunicación, José Luis Teófilo; e o autor das imaxes, o fotógrafo Alberte Peiteavel.
XUNTA DE GOBERNO
Nova exposición pictórica no Ensanche sobre o paisaxismo contemporáneo
A Xunta de Goberno, na súa sesión ordinaria, aprobou a realización da exposición Iniciación á paisaxe contemporánea. Van Gogh, Braque e Szenes, organizada pola Concellería de Xuventude. Tamén se acordou a modificación das bases reguladoras da convocatoria de subvencións para reforma de locais de negocio e implantación de tecnoloxías da información e a comunicación (TICS) dentro do proxecto Urbana Santiago Norte.
ALCALDÍA
O Goberno municipal lamenta os actos violentos a raíz da manifestación estudantil desta mañá
O Goberno municipal lamenta e expresa o seu máis firme rexeitamento aos actos violentos producidos en varias zonas da cidade ao paso da manifestación estudantil desa mañá. O balance destes actos é dun ferido leve a causa do lanzamento dun petardo e diversos danos materiais como consecuencia da rotura de cristaleiras de entidades bancarias, levantamento de tapas de sumidoiros e envorcado de colectores do lixo.
XUVENTUDE
Segunda final do Certame SantiAutor
Este venres 21 de febreiro celebrarase a segunda das tres finais do I Certame de Música SantiAutor para artistas noveis, organizado pola Concellería de Xuventude xunto coa Sala Sonar. Nesta segunda xornada actuarán The L´Adelines Garden, Su Garrido, Plan Siberia e David Prado.
ALCALDÍA
Reunión do alcalde coa Asociación de Veciños Nova Xeira (Figueiras)
O alcalde compostelán, Ángel Currás, acompañado polo concelleiro Luis Meijide, recibiu a Asociación de Veciños Nova Xeira, de Figueiras.