EDUCACIÓN
Os premios "Educacompostela" chegan á súa quinta edición
Os premios "Educacompostela" chegan á súa quinta edición, na busca de recursos educativos en prol da innovación, da calidade educativa e da renovación pedagóxica. Haberá premios de 1.200, 900 e 600 euros para os tres mellores traballos.
CULTURA
A batuta de Juanjo Mena e o violoncello de Pieter Wispelwey chegan a Santiago para acompañar á Real Filharmonía
O 25 de xaneiro, aqueles que se acheguen ao Auditorio de Galicia poderán gozar da mestría de Pieter Wispelwey, unha lenda viva no mundo do violoncello, na interpretación dun concerto de Saint-Saëns. A Real Filharmonía de Galicia, baixo a dirección de Juanjo Mena, acompañará a Wispelwey nun programa que se completará con obras de Beethoven e Haydn.
TURISMO
O turismo de congresos reportou á cidade máis de 270 eventos no 2006
A reunión do Comité de Dirección do Santiago de Compostela Convention Bureau permitiu coñecer datos sobre a actividade congresual na cidade en 2006. Compostela contabilizou en 2006 un total de 271 eventos, nos que se inscribiron 38.200 participantes. En total, rexistráronse 50 congresos, 15 convencións e 206 xornadas. Destes eventos, 237 recibiron asesoramento do SCCB.
ALCALDÍA
Julio Fernández Gayoso e Rosalía Mera Goyenechea recibiron en Santiago as súas Medallas ao Mérito no Traballo
O ministro de Traballo e Asuntos Sociais, Jesús Caldera, entregou as Medallas de Ouro ao Mérito no Traballo a Julio Fernández Gayoso e Rosalía Mera Goyenechea. Foi no Hotel San Francisco, nun acto no que, entre outros, participou o presidente da Xunta, Emilio Pérez Touriño; o delegado do Goberno en Galicia, Manuel Ameijeiras; e o alcalde de Santiago, Xosé A. Sánchez Bugallo.
