TRANSPORTES
Os composteláns poderán viaxar gratis en autobús urbano no Día sen coches
O venres 22 de setembro, aqueles composteláns que o desexen poderán utilizar gratis o servizo de autobuses urbanos e unirse así á celebración do Día sen coches. Así o anunciou o concelleiro de Transportes, Xaquín Fernández Leiceaga, quen indicou que esta iniciativa pretende "captar novos usuarios dos autobuses urbano" e servir de apoio á esta xornada de concienciación medioambiental.
PROMOCIÓN ECONÓMICA
Un proxecto de soporte tecnolóxico para congresos e unha ludoteca gañan o Concurso de novas ideas empresariais
A empresa Arrendamientos Tecnológicos y Servicios, dedicada ao soporte tecnolóxico para eventos e congresos, e a ludoteca Gazafello foron os proxectos gañadores do Concurso de novas ideas empresariais, dentro do programa Compostela Activa. En total presentáronse ao certame dezasete proxectos empresariais, que no momento de presentar a súa solicitude non podían ter iniciada a actividade. Estas iniciativas estaban distribuídas entre as dúas categorías establecidas: edición xeral e novas ideas empresariais promovidas por...
CULTURA
A Trova Camagüeyana trae os ritmos tradicionais cubanos ao Principal
A Trova Camagüeyana chega de novo a Santiago para amosar os sons cubanos máis tradicionais. O xoves 14, ás 22:00 horas, no Teatro Principal, a agrupación pecha un periplo de dezaoito meses que os levou a diversos países europeos.
CENTROS SOCIOCULTURAIS
O Consello de Centros Socioculturais reúnese no novo centro do Ensanche
O novo centro sociocultural e xuvenil do Ensanche (Rúa Frai Rosendo Salvado, nº 14-16), acollerá o xoves 14, ás 18:00 horas, a reunión do Consello de Centros Socioculturais. Este centro, incorporado hai pouco á Rede de Centros Socioculturais, leva xa funcionando dende principios de verán, pero inaugurarase oficialmente entre este mes e o vindeiro.
CURTOCIRCUÍTO
As mellores curtas galegas de 2005 proxectaranse na Praza de Abastos
A novena proxección semanal de CurtoCircuíto na Rúa, que ía ser no Parque de Belvís, trasládase, ante a previsión de choiva, á Praza de Abastos. Agárdase xuntar ao público habitual nesta praza, incrementando as máis de 3.000 persoas que xa teñen gozado do cinema en curto e maila música en directo que ofrece este Festival.
CONSORCIO
A Real Filharmonía de Galicia trunfa en Sao Paulo nos primeiros concertos da súa xira
A Real Filharmonía de Galicia iniciou a súa xira por Latinoamérica con dous concertos en días consecutivos na cidade brasileira de Sao Paulo, dentro do ciclo organizado pola máis prestixiosa sociedade de cultura artística do país. Este ciclo está considerado entre os máis importantes de América Latina e, ademais da Real Filharmonía, conta coa participación esta tempada de Ilan Volkov coa Orquestra da BBC, Vadim Repin, Alte Musik Berlin, ou Les Musiciens du Louvre, entre outros.
ALCALDÍA
O Concello colabora coa Asociación Española contra o Cáncer
O alcalde compostelán, Xosé A. Sánchez Bugallo, recibiu na Casa do Concello á presidenta da Asociación Española contra o Cáncer (AECC), Luz María Hernández. Durante o encontro, o alcalde fixo entrega á asociación dun pequeno donativo para contribuír ás súas actividades.
ALCALDÍA
A Real Sociedade Económica de Amigos do País da cidade de Santiago expón no Concello os seus obxectivos de futuro
A Real Sociedade Económica de Amigos do País de Santiago acudiu ao Concello para exporlle persoalmente ao alcalde compostelán, Xosé A. Sánchez Bugallo, os seus obxectivos e proxectos de futuro, establecidos durante a celebración da Asemblea Xeral de Socios, que tivo lugar o pasado 31 de xaneiro.
CASCO HISTÓRICO
O Concello precinta dúas tendas do Casco Histórico que abriron sen licenza e que non respectaban a ordenanza de condicións dos locais
Dous negocios de máquinas expendedoras situadas na rúa Bautizados e na avenida de Figueroa foron precintadas pola Policía Local con acta dos servizos xurídicos municipais. Ámbolos dous establecementos comezaron a exercer a súa actividade sen ter as correspondentes licenzas de obras de acondicionamento e de apertura e, ademais, incumprían a normativa de aplicación vixente no que se refire a ruídos e actividades molestas. O Concello está a tomar medidas contra a proliferación deste tipo de locais porque non responden...
