Noticias

No marco do programa "Xuventude, moito que dicir", presente en Compostela a través dunha exposición na Alameda ata o 27 de novembro, continúan a desenvolverse distintas actividades complementarias. O seu obxectivo é fomentar a participación dos cidadáns de Santiago, en especial de nenos e xóvenes en concertos, exhibicións, talleres, xornadas literarias, espectáculos de danza, contacontos, feira de asociacionismo, xincana de valores. A entrada é libre e gratuita para todas as actividades.

O alcalde compostelán, Xosé A. Sánchez Bugallo, salientou na visita ás vivendas situadas na parcela 6 do polígono 6-7 de Fontiñas, a súa satisfacción polo feito de que o inmoble está listo para ser ocupado en breves datas por 46 familias e pola calidade da construción. Trátase dun edificio cun deseño moderno e xuvenil, que vai ser habitado, na súa maior parte, por xente nova.