Noticias

Serrana Mercedes Rial García recibiu de mans do alcalde o premio como gañadora da XVI edición do Premio de investigación Xohana Torres, polo seu traballo Desde o campo e o mar ata o tear e o fogar a invisibilidade rómpese en mil anacos. As mulleres do campo na Galicia da Época Moderna. A esta edición do certame presentáronse tres investigacións.

O 14 de marzo ábrese ao público o primeiro tramo das marxes do río Sarela rehabilitado polos 60 alumnos do Obradoiro de Emprego Compostela Natural, que desenvolven a Concellaría de Promoción Económica, Emprego, Comercio e Turismo e a de Medio Ambiente e Desenvolvemento Sostíbel. A primeira fase das obras corresponde á rexeneración do cauce e apertura dun paseo á beira do río de 400 metros de longo por 1,35 de ancho, entre a igrexa do Carme de Abaixo e Rueiro de Figueiriñas. Ponse así en valor as...

O mércores, 12 de marzo, comenzan as actividades de animación na rúa con malabares e zancudos que se desenvolverán no marco de Marzo, mes do comercio, organizado pola Concellaría de Promoción Económica, Emprego, Comercio e Turismo. Durante as catro representacións está previsto repartir 4.000 folletos informativos explicando o conxunto de accións deseñadas baixo este lema co obxectivo de dinamizar o sector comercial e darlle ao comercio o protagonismo que lle corresponde na vida económica e social de...

O Concello convocará axudas para a prevención de incendios forestais no ano 2008. Así, subvencionaranse os gastos derivados da execución de rozas ou talas de especies arbóreas. Para este fin destinaranse 15.000 euros.

O Goberno local aprobou a apertura de prazos de presentación de solicitudes de ingreso e o procedemento de admisión nas escolas infantís municipais de Conxo e Fontiñas. O 15 de marzo remata a reserva de prazas do alumnado actual.

A Xunta de Goberno aprobou a actualización do prezo máximo de venda das futuras vivendas a executar nos solares pendentes de edificar nunha zona residencial do SUNP-17 do Paxonal, provenientes de uso de apartahoteis.

O Goberno local acordou iniciar, en beneficio do Consorcio da Cidade de Santiago de Compostela, o procedemento de expropiación, por taxación conxunta, para extinguir os dereitos existentes no inmoble Casa do Cabildo. Rematado este proceso, o Consorcio poderá iniciar as obras de rehabilitación deste inmoble, situado nos números 5 e 6 da praza de Praterías e no número 1 da rúa da Raíña.

A rúa de Domingo García-Sabell Rivas quedará aberta ao tráfico peonil dende Galeras ata o cruce dar rúa de Carretas-Entrerríos. Esta apertura mellorará a accesibilidade para os usuarios do Centro Municipal de Servizos Socias e para os cidadáns en xeral que viñan utilizando con anterioridade esta vía, na que as antigas escaleiras foron substituídas por amplas beirarrúas sen barreiras arquitectónicas.

O concelleiro de Promoción Económica, Emprego, Comercio e Turismo, Xosé Manuel Iglesias, presentou Marzo, mes do comercio. O conxunto de actividades que se presentan baixo este lema ten un dobre obxectivo: dinamizar o sector comercial e darlle ao comercio o protagonismo que lle corresponde na vida económica e social de Compostela.

A praza do Obradoiro acolleu unha concentración silenciosa en lembranza do ex concelleiro socialista Isaías Carrasco, asasinado por ETA o venres 7 de marzo. A Corporación Municipal encabezou esta concentración, á que se uniron algúns cidadáns anónimos.