ACCIÓN CULTURAL
Cineuropa estrea "Desde allá", Léon de Ouro no último Festival de Venecia
O debut de Lorenzo Vigas foi a gran sorpresa do pasado Festival de Venecia, a primeira vez que unha película en español conseguía o León de Ouro. Desde allá, que se estreará no Teatro Principal ás 20:00 h, é unha perturbadora película que parte dunha historia orixinal do mexicano Guillermo Arriaga.
TURISMO
Santiago promociónase en Milán como destino de congresos para o mercado italiano
Turismo de Santiago, a través do servizo para a promoción da cidade como destino de congresos, xornadas e incentivos, o Santiago de Compostela Convention Bureau, participa este xoves en Milán na Master Meeting, unha xornada de promoción directa para o mercado italiano, dirixida a organizadores profesionais de congresos.
CONVIVENCIA
A Policía Local segue apostando pola educación viaria entre os máis pequenos ao abeiro do programa Colecamiños
A Policía Local de Santiago segue traballando para promover unha boa seguridade viaria entre os máis pequenos. Por iso, pon en marcha unha campaña de educación viaria, enmarcada no programa Colecamiños, que levará por lema "Móvete seguro con moito olliño". As actividades están dirixidas aos alumnos de Primaria dos colexios de Compostela, que deberán inscribirse previamente.
ALCALDÍA
Compostela, Lalín e Silleda xúntanse para reclamar a rebaixa das peaxes da AP-53
O alcalde de Santiago, Martiño Noriega, recibiu hoxe no Pazo de Raxoi os rexedores de Lalín, Rafael Cuíña, e Silleda, Manuel Cuíña. Foi unha xuntanza solicitada polos alcaldes do Deza, co obxectivo de que os tres concellos sumen forzas para reclamar a rebaixa das peaxes da autoestrada AP-53. Esta petición vaise plasmar nun texto que os tres alcaldes levarán aos plenos das tres corporacións, e que logo lle será trasladado ao Ministerio de Fomento para que realice as xestións oportunas.
CONVIVENCIA
O Goberno local ultima o operativo para afrontar as xeadas do inverno
O Concello de Santiago está ultimando o operativo para afrontar as posibles xeadas do inverno. O concelleiro de Medio Ambiente e Convivencia, Xan Duro, presidiu este martes unha xuntanza coa Policía Local, Protección Civil e os técnicos de Urbaser, na que se revisou o protocolo de intervención ante neve ou xeo. Ademais, na reunión quedou constancia de que o Concello xa ten almacenadas cinco toneladas de sal para botar polas estradas cando sexa necesario.
CENTROS SOCIOCULTURAIS
Remata o programa "Imos de excursión 2015" cunha viaxe de Nadal a Portugal
A Concellaría de Acción Cultural pecha a programación Imos de excursión 2015 este 13 de decembro coa xa clásica saída a Portugal, para que as persoas maiores de 55 anos gocen dunha xornada de encontro. Dende este martes, 24 de novembro, a partir das 17:00 horas, está aberto o prazo de inscrición nos centros socioculturais.
DESENVOLVEMENTO ECONÓMICO
O Concello organiza unha xornada sobre os beneficios da peme innovadora
A concelleira de Desenvolvemento Económico, Marta Lois, presentou a xornada Beneficios da Peme Innovadora, que se celebrará o martes 1 de decembro no edificio Cersia (rúa Alcalde Raimundo López Pol, s/n) – San Lázaro) Participarán diferentes expertos que explicarán as características do novo selo para as PEMES innovadoras que concede o Ministerio de Economía e Facenda.
CONVIVENCIA
A Policía Local formou en educación viaria aos escolares do CEE Manuel López Navalón
Axentes da Policía Local desprazáronse este martes ata o Centro de Educación Especial Manuel López Navalón, para impartir formación sobre educación viaria aos alumnos e alumnas deste centro compostelán. Organizados en dous grupos, os escolares participaron nunha charla sobre educación viaria e tamén no programa "Coñece a túa cidade".
IGUALDADE
A campaña Compostela en Negro pon o broche de ouro cun vídeo no que participan voluntarios e comercios adheridos
A concelleira de Igualdade, Marta Lois, a deseñadora da campaña Compostela en Negro, Uqui Permui, e a responsable da súa coordinación técnica, Lucía Canoura estiveron esta mañá no Teatro Principal para presentar a parte audiovisual desta campaña, promovida dende a Concellaría de Igualdade.
DESENVOLVEMENTO ECONÓMICO
A Cidade da Cultura acolle a cen empresas que participan nunha nova edición da xornada de dinamización Getting Contacts
A Cidade da Cultura acolle o xoves 26 unha nova edición de Getting Contacts, xornada de encontro e intercambio empresarial, organizada pola Oficina de Promoción Económica do Concello de Santiago, co financiamento da Deputación de Coruña, dentro do programa Compostela Móvese. Está previsto que participen arredor de cen empresas.