Noticias

Comezan as actividades de "Marzo, mes do comercio" co obxectivo de dinamizar o comercio compostelán despois do intenso periodo de rebaixas. As actividades programadas teñen unha dobre finalidade: dar protagonismo ao comercio nun mes no que xeralmente non o ten e sentar as bases dun programa que se repita no mes de marzo, recoñecéndolle ao comercio seu valor.

O alcalde compostelán, Xosé A. Sánchez Bugallo, e o presidente da Xunta, Emilio Pérez Touriño, participaron na proxección de catro curtas relacionadas coa realidade actual da muller. A exhibición celebrouse no Teatro Principal e enmárcase no programa de actos previstos con motivo da celebración do Día Internacional da Muller o xoves 8 de marzo.

Os actos de celebración do Día dos Dereitos das Persoas Consumidoras e Usuarias comezan o mércores 7 cunha charla sobre as comunidades de propietarios. O coloquio terá lugar no Centro Social e Xuvenil do Ensanche ás 20:00 horas. Intervirán a representante da Unión de Consumidores de Galicia (UGAL), Rocío Arnoso Moure, e o axente de propiedade inmobiliaria Rafael Rodríguez Rey. Hai que destacar que a Oficina Municipal de Información ao Consumidor (OMIC) vén de presentar unha publicación con información...

A Xunta de Goberno local aprobou as novas tarifas para os servizos prestados nas instalacións do Multiusos Fontes do Sar e no Complexo Deportivo de Santa Isabel. Deste xeito o abono familiar queda fixado en 36 euros mensuais, mentres que o individual pasa a 29 euros. A matrícula ten un prezo de 37 euros no caso das familias e de 33 euros para o resto.

O Concello de Santiago e a Consellería de Educación están a estudar a demanda dos responsables da Escola Oficial de Idiomas, situada en Vite, que reclaman un novo centro con maior capacidade e servicios. A nova Escola podería situarse en Conxo.

A Xunta de Goberno aprobou un orzamento de 58.286 euros para as obras de acondicionamento no Parque da Constitución. A súa fin é preparar este espazo para a dotación de novos elementos deportivos e de xogo, que terán un custo de 150.000 euros.

A concelleira de Sanidade e Consumo, Elvira Cienfuegos, presentou os actos organizados con motivo do Día Internacional das Persoas Consumidoras e Usuarias, que se celebra o 15 de marzo. O Centro Sociocultural e Xuvenil do Ensanche acollerá tres charlas-coloquio sobre diversos temas relacionados co consumo.

O Goberno local adxudicou dúas asistencias técnicas para elaborar un mapa industrial e a outro de perfís profesionais. A firma Gabinete de Estudios Expertas realizará o "Estudo sobre o sector industrial, os procesos de produción e o uso das TICs por parte das empresas do Polígono do Tambre: Elaboración dun Mapa Industrial", e a Fundación para la Formación Técnica en Máquina Herramienta levará a cabo o "Estudo sobre as necesidades formativas específicas por parte das empresas do...

O Goberno local aprobou o proxecto de reforma da Rúa Monte Pío, presentado pola Secretaría Xeral e do Patrimonio da Xunta de Galicia. Esta actuación vai supor un investimento de 292.961 euros e afectará a un trazado de 193,405 metros de lonxitude.

O Concello organizou unha serie de actos con motivo da celebración, o xoves 8 de marzo, do Día Internacional da Muller. O calendario de actos, que suporá un investimento de 4.941 euros, comezará nesa mesma xornada coa entrega do Premio Xohana Torres 2006, nun acto que se celebrará ás 20:30 horas en Raxoi.