LIMPEZA
O servizo de limpeza do Concello, a pleno rendemento
A situación de emerxencia que viviu a cidade de Santiago durante a vaga de incendios do pasado mes de agosto fixo que o Concello decidise poñer a disposición do operativo especial de extinción dos lumes as 2 cisternas da empresa Urbaser que habitualmente se destinan á limpeza das rúas da cidade. Sen embargo, non se descoidou a limpeza de ningunha das zonas do Concello, segundo salientou a Concellaría de Medio Ambiente, e menos a do Casco Histórico, área á que se lle presta especial atención por contar cunha presenza...
ALCALDÍA
O alcalde de Santiago recibe aos representantes rexionais de El Corte Inglés
O alcalde de Santiago, Xosé A. Sánchez Bugallo, recibiu aos representantes rexionais de El Corte Inglés. O encontro serviu para despedir ao director rexional saínte, Ángel Vaca Cabrera, e para darlle a benvida ao novo, Ricardo Cabrera de la Cruz. Na reunión tamén participaron o director de Hipercor en Santiago, Manuel Guitián, e o xefe de relacións públicas do mesmo, José Manuel Blanco.
INMIGRACIÓN
Os nenos e nenas inmigrantes intégranse nas actividades socioculturais da cidade
Rapaces e rapazas de 3 a 12 anos orixinarios de países coma Uruguai, Arxentina ou Romanía seguen a participar no Programa de integración dos/as nenos/as inmigrantes nas actividades socioculturais. Tralas actividades realizadas nos meses de xuño, xullo e agosto, a iniciativa prolongarase ata o vindeiro 22 de setembro. O luns 4, os rapaces realizaron unha visita ao parque de Bombeiros e en breve realizarán unha á Casa do Concello.
INCENDIOS
O Concello reactiva o operativo anti-incendios
O dispositivo contra os incendios activado en agosto púxose de novo en marcha, tralo agromo de novos incendios na xornada do xoves 31 de agosto. Os servizos de Bombeiros, Protección Civil, Policía Local e Cruz Vermella, apoiados polas empresas municipais Cespa e Aquagest, redobraron os seus esforzos e retomáronse as reunións de coordinación.
ALCALDÍA
A aprobación definitiva do PXOM, o impulso ao Plan Estratéxico e as infraestruturas marcan o novo curso político
Iníciase un novo curso político, con varios temas importantes que centrarán a actualidade municipal nos vindeiros meses. Así o recordou o alcalde, Xosé A. Sánchez Bugallo, ao referirse á aprobación definitiva do Plan Xeral de Ordenación Municipal (PXOM), ao impulso ao Plan Estratéxico e ás novas infraestruturas e vivendas.
VIVENDA
O sorteo dos pisos de Belvís celebrarase o venres 8 de setembro
A adxudicación dos pisos de Belvís celebrarase finalmente o venres 8 de setembro, ás 16:00 horas, no Pazo de Congresos. As listas poderán consultarse esa mesma tarde na sala do acto e, a partir do día seguinte, no Concello, na sé da Consellería de Vivenda e Solo en Santiago e na delegación provincial da Consellería.
CULTURA
Nordestin@s traslada a Compostela a súa viaxe musical pola costa norte
O Teatro Principal é o escenario escollido por Nodestin@s para gravar o seu disco e para ofrecer ao público compostelán o seu particular repertorio popular. A cita é o sábado 2, ás 22:00 horas.
CURTOCIRCUÍTO
Preto de 300 persoas asistiron en Bonaval á proxección das mellores curtas españolas de ficción
Arredor de 300 persoas estiveron no parque de Bonaval para contemplar o mellor do panorama español de ficción cegado a CurtoCircuíto, precedido pola música de Blue Mouse. A media noite, por causa da xeada e das nubes baixas, Bonaval iluminouse cunha luz estraña, que fixo que o público gozase doutro xeito do que estaba a saír na pantalla.