Noticias

Os lumes producidos no mes de agosto no termo municipal de Santiago obrigaron aos servizos de extinción do Concello a realizar 171 intervencións no mes de agosto, segundo os datos facilitados polo concelleiro de Seguridade Cidadá, Xosé Baqueiro. A cifra contrasta cos 26 incendios rexistrados neste mesmo período do pasado ano e falan da intensidade da vaga incendiaria que afectou a unhas 1.100 hectáreas en Compostela.

Responsables da área de Cooperación ao desenvolvemento e coordinadores nacionais de 22 Estados americanos e da península ibérica participan en Santiago na xuntanza preparatoria do XVI Cumio Iberoamericano de Xefes de Estado e de Goberno, que se celebrará en novembro en Montevideo (Uruguai). Neste marco, o alcalde de Santiago, Xosé A. Sánchez Bugallo, reuniuse co Secretario Xeral Iberoamericano, Enrique Iglesias.

A Fundación María José Jove inaugurou a exposición "Itinerarios Artísticos" no Museo do Pobo Galego de Santiago. A colección inicia así a súa andaina por Galicia nun ciclo que, durante os últimos catro meses de 2006, levaraa tamén ao Museo Provincial de Pontevedra e ao Centro Cultural da Deputación de Ourense. O acto de inauguración estivo presidido polo alcalde de Santiago, Xosé A. Sánchez Bugallo, e contou coa presenza, entre outros, do conselleiro de Presidencia,...

Ábrese o prazo de inscrición para os cursos de lingua galega que convoca a Concellaría de Política Lingüística e a Secretaría Xeral de Política Lingüística. Os cursos están destinados ao público en xeral, na súas modalidades de iniciación e perfeccionamento.

O xoves 7 de setembro, na Praza de Cervantes, proxectarase unha selección das mellores curtas de animación a nivel internacional, as máis premiadas en festivais de todo o mundo. Esta é a oitava proxección semanal de CurtoCircuíto na Rúa, que, como cada xoves, xuntará ao público habitual nunha praza da cidade vella.

Á espera de que o empeoramento do tempo permita un respiro na loita contra o lume, continúa activo o dispositivo contra os incendios do Concello de Santiago. Os servizos de Bombeiros, Protección Civil, Policía Local e Cruz Vermella, apoiados polas empresas municipais Cespa e Aquagest, seguen alerta e as reunións de coordinación continúan a celebrarse.

Ata o venres 8 de setembro segue aberta a Escola de Verán, a proposta lúdica e formativa da Concellaría de Educación e Mocidade para estes últimos días de vacacións do verán. Nenos e nenas de seis a doce anos, e tamén de tres a cinco en Fontiñas, están a participar nesta iniciativa, que lles permite expresarse libremente, relacionarse e compartir experiencias.

Un ano máis o recinto feiral de Amio será a sede de Galicia Ornamental, un conxunto de eventos organizados pola Asociación Galega de Produtores de Plantas Ornamentais (ASPROGA), e que compoñen o máis importante certame deste sector dos que se celebran no noroeste peninsular. A feira, que conta coa colaboración da Concellaría de Promoción Económica, desenvolverase entre os días 8 e 10 de setembro.

O venres día 8 de setembro ás 13.30 horas terá lugar un pleno extraordinario no que o Concello solicitará un crédito de, aproximadamente, 600.000 euros para facer fronte aos gastos ocasionados polos incendios do pasado mes de agosto, segundo decidiu hoxe a Xunta de Goberno local.

A Xunta de Goberno Local aprobou o proxecto técnico definitivo de remodelación da Praza de Abastos, que ten un rozamento de 5,1 millóns de euros. Este proxecto, obra de Francisco Vidal, fora modificado a raíz das catas realizadas, nas que se descubriron restos arqueolóxicos, aínda que o cambio mantén as liñas orixinarias.