CENTROS SOCIOCULTURAIS
Inauguración no Ensanche dunha nova entrega de "A historia vai por barrios"
No Centro Sociocultural e Xuvenil do Ensanche, o alcalde compostelán, Xosé A. Sánchez Bugallo, inaugurou a exposición "A historia vai por barrios. O Ensanche". Estará aberta ata o 31 de maio.
CENTROS SOCIOCULTURAIS
O barrio do Ensanche indaga na súa historia
A concelleira de Centros Socioculturais, Guadalupe Rodríguez, presentou unha nova entrega do proxecto"A historia vai por barrios", que nesta ocasión se ocupa do barrio do Ensanche. O venres 4 de maio, no Centro Sociocultural e Xuvenil do Ensanche, inaugúrase esta mostra, que indaga no pasado desta zona da cidade.
ALCALDÍA
Relevo na Oficina Local de Tráfico
O alcalde compostelán, Xosé A. Sánchez Bugallo, e o concelleiro de Circulación e Uso da Vía Pública, Xosé Baqueiro, recibiron á nova xefa da Oficina Local de Tráfico, Ana Beltrán.
PROMOCIÓN ECONÓMICA
Promoción Económica destina 46.000 euros ao Concurso de Novas Ideas Empresariais
A Concellería de Promoción Económica e Emprego destina 46.000 euros ao Concurso de novas ideas empresariais "Compostela Activa 2007". O obxectivo do concurso é estimular e apoiar a persoas que teñen unha idea de negocio, facilitándolle a posta en marcha do proxecto empresarial.
MERCADOS
Mercagalicia aproba as contas anuais de 2006 cun beneficio de 99.283 euros
Baixo a presidencia do alcalde compostelán, Xosé A. Sánchez Bugallo, celebrouse esta mañá a Xunta Xeral Ordinaria e a reunión do Consello de Administración de Mercagalicia (Mercados Centrais de Abastecemento de Santiago S.A.). O principal punto da orde do día da Xunta foi a aprobación das Contas Anuais e do Informe de Xestión do exercicio 2006. No Consello examináronse os orzamentos da obra de reparación do peche da Unidade Alimentaria.
CULTURA
Cultura asina un convenio de colaboración coa Asociación Cultural e Tempo Libre Novo Circo e Cabaret Galega por valor de 25.000 euros
O concelleiro de Cultura, Néstor Rego, asinou un convenio de 25.000 euros coa Asociación de Animación Sociocultural e Tempo Libre Novo Circo e Cabaret Galega. No acto de sinatura tamén estivo presente o presidente da citada agrupación, Manuel Lago.
TRANSPORTES
O rede de transporte urbano incorpora nove novas unidades
O Concello de Santiago e a empresa municipal TUSSA, xunto coa nova operadora de transporte urbano Tralusa, presentaron as novas unidades de vehículos para a rede de transporte urbano. Trátase de nove novos vehículos, nos que se investiron máis de 1.650.000 euros.
PROMOCIÓN ECONÓMICA
Máis da metade dos usuarios do Proxecto Crear III teñen un emprego na actualidade
O concelleiro de Promoción Económica, Xosé Manuel Iglesias, presentou os resultados do Proxecto Crear III, que se clausura no Pazo de Raxoi co acto de entrega de diplomas aos participantes. 56 dos 100 usuarios do programa están traballando nestes momentos. 29 son mulleres e os outros 27 homes.
EDUCACIÓN
Compostela, en clave de danza
A concelleira de Educación e Mocidade, Elvira Cienfuegos, presentou o certame "Compostela en danza", que se celebrará o sábado 12 de maio, ás 19:00 horas, no Auditorio de Galicia. Alumnos de educación infantil, primaria e secundaria serán os protagonistas deste evento.
MEDIO AMBIENTE
As obras da nova estación depuradora do Sar poderían estar licitadas a finais de 2007
O alcalde compostelán, Xosé A. Sánchez Bugallo, reuniuse co presidente da Confederación Hidrográfica do Norte, Jorge Marquínez; co director de Augas de Galicia, Emilio Romero; e co conselleiro de Medio Ambiente, Manuel Vázquez, para falar da nova Estación Depuradora de Augas Residuais (EDAR). Na xuntanza presentouse o estudo de alternativas para esta infraestrutura, a máis custosa do novo saneamento de Santiago. As obras poderían estar licitadas a finais de 2007.