CULTURA
Redrum Teatro presenta a comedia musical "Moito conto" dentro do ciclo Infantil & Familiar
A compañía compostelá Redrum Teatro presenta este domingo a súa comedia musical Moito conto, dentro do ciclo Infantil & Familiar. Será ás 18:30 horas no Teatro Principal e está dirixida a nenos e nenas a partir dos 5 anos. As entradas poden mercarse no despacho de billetes do Teatro Principal, que abre de 18:00 a 21:00 horas, e teñen un prezo de 6 euros. Ademais, pode adquirirse a entrada familiar, mediante a cal, polo prezo de tres (18 euros) retíranse catro.
EDUCACIÓN
Xornada de contacontos para reforzar a educación viaria dos máis pequenos en tres centros escolares do municipio
A concelleira de Educación, Maite Cancelo, participou esta mañá na sesión de contacontos musical de educación viaria baseada no libro-CD aXente Corrente, Galo Mirindolo que se celebrou na Escola Infantil de Meixonfrío-Salgueiriños. Trátase dunha das actividades enmarcadas dentro do programa didáctico de educación viaria aXente Corrente, realizado por Agasalle Contenidos en colaboración co Concello de Santiago a través do seu Departamento de Educación. Ao longo da mañá.../em>
DEPORTES
A carreira nocturna SantYaGo10K conta xa con máis de 1.800 inscritos
A concelleira de Deportes, María Corral, presentou o circuíto homologado da carreira nocturna SantYaGo10K, prevista para o sábado 9 de maio, unha vez que este recibiu a verificación da Federación Española de Atletismo. A proba pasará por varias das rúas principais do Casco Histórico e do centro da cidade, para rematar na praza do Obradoiro. A día de hoxe, a carreira xa conta con 1.830 inscritos
EMPREGO
O Foro da Intermediación e o Emprego permite coñecer experiencias de éxito para reincorporarse ao mercado laboral ou conseguir a primeira oportunidade
Santiago está a acoller un ano máis o Foro da Intermediación e o Emprego que reúne este mércores e xoves no Palacio de Congresos ás 3.000 persoas inscritas nas 62 actividades de formación e encontros con empresas. A estas cifras hai que sumar as máis de 100 ofertas de emprego das 63 empresas adscritas, ás que se apuntaron máis de 8.000 persoas.
CULTURA
Todo listo en Amio para o primeiro Lapso 2015, con The National como cabeza de cartel
O Recinto Feiral de Amio, en Santiago de Compostela, acolle este xoves o agardado concerto de The National, que actúan por primeira vez en Galicia. A banda de Ohio encabeza o cartel do Lapso 2015, unha nova cita de referencia no panorama español da música en directo enmarcada no ciclo Compostela Rock. Ademais de The National, polo escenario pasarán outras bandas de calidade, como os portugueses The Gift e os galegos Best Boy. Preto de 3.000 persoas gozarán desta programación, que se completa con sesións de DJ.
ALCALDÍA
O alcalde asistiu á conferencia do director da Oficina Económica do presidente do Goberno, Álvaro Nadal, na Cámara de Comercio
O alcalde de Santiago, Agustín Hernández, asistiu na Cámara de Comercio á conferencia do director da Oficina Económica do presidente do Goberno, Álvaro Nadal.
CONSORCIO
O Consorcio destinará este ano máis dun millón de euros a rehabilitar e restaurar monumentos e edificios emblemáticos
O Consorcio de Santiago celebrou esta mañá a súa Comisión Executiva, presidida polo alcalde da cidade e presidente do organismo interadministrativo, Agustín Hernández. Entre os temas abordados destaca a aprobación de novas actuacións dentro do Programa de Monumentos do Consorcio, para o que este ano se destinará unha partida global de 1.041.371,69 euros.
ALCALDÍA
O alcalde cualifica a Filgueira Valverde como "unha das figuras clave da cultura galega do século XX e destaca o seu labor para dignificar a lingua e a cultura de Galicia
O alcalde de Santiago asistiu á apertura da exposición Filgueira Valverde (1906-1996). Un faro na construción de Galicia, que estará na Biblioteca Ánxel Casal ata o 9 de maio. Esta mostra, segundo Agustín Hernández, ofrece a posibilidade de descubrir "o labor dunha das figuras clave da cultura galega do século XX".
ALCALDÍA
O alumnado da Escola Municipal de Conxo contribúe a financiar unha operación para un neno con parálise cerebral a través dunha campaña didáctica e solidaria
Os alumnos e alumnas da Escola Municipal de Conxo fixeron entrega esta mañá dos tapóns recadados na campaña solidaria Proxecto de arte a Matías Rey Mourelle, un neno de 7 anos veciño do concello de Brión que padece parálise cerebral. No acto estiveron presentes o alcalde de Santiago, Agustín Hernández, e a concelleira de Educación, Maite Cancelo.
CULTURA
10 & 10 Danza, de Mónica Runde, presenta "Episodios (Temporada 25)" no Principal
Mónica Runde convocou a cinco experimentados e reputados creadores para armar Episodios (Temporada 25). Cada un dos coreógrafos ideou unha fantasía propia a través do corpo da bailarina que se somerxe, un tras outro, nos cinco universos que compoñen Episodios. O espectáculo poderase ver este mércores 29 de abril, a partir das 20:30 horas, no Teatro Principal, no marco do ciclo Danza 2015.