DEPORTE
O alcalde visitou o Campus Vero Boquete
O alcalde, Martiño Noriega, achegouse esta mañá ata o campo de fútbol de Santa Isabel, acompañado da concelleira de Deporte, Noa Morales, para saudar os participantes no V Campus de Fútbol Vero Boquete. Máis de 150 rapaces e rapazas de entre 6 e 18 anos están a traballar estes días ás ordes da futbolista galega afincada en Alemaña, que lembrou que ela tamén empezou no mundo do fútbol cun campus deste tipo, tamén en Compostela.
TURISMO
Seguen os obradoiros de cociña infantil en Compostela Gastronómica Nadal
A edición de Nadal de Compostela Gastronómica ofrece no seu programa nove obradoiros de cociña para nenas e nenos de 6 a 12 anos na Aula Gastronómica do Mercado de Abastos. Nestas xornadas, os máis pequenos gozan da cociña mentres aprenden divertíndose con receitas pensadas especialmente para as festas do Nadal, con produtos de proximidade.