XUNTA DE GOBERNO
A empresa Perea Rojas renuncia á adxudicación do contrato do servizo de comedores escolares en Santiago
A empresa Catering Perea Rojas vén de comunicarlle ao Concello de Santiago a retirada da súa oferta da licitación do servizo de comedores escolares para os cursos escolares 2015-2016. A Xunta de Goberno celebrada este venres deu conta do informe ao respecto da xefa do servizo de Contratación, deixando polo tanto en suspenso a adxudicación do servizo, prevista inicialmente para hoxe.
DEPORTE
San Lázaro acolle este domingo a XV edición do Trofeo Concello de Santiago de Ciclocross
A concelleira de Deportes, Noa Morales, presentou este venres os detalles do XV Trofeo Concello de Santiago de Ciclocross, que terá lugar este domingo, 15 de novembro, nos exteriores do Estadio de San Lázaro. Na rolda de prensa estivo acompañada do presidente do Club Ciclista Muebles Compostela, Manuel Paz; do vicepresidente da Federación Galega de Ciclismo, José Flores; e do corredor Fran Baña.
LINGUA
Arredor de 70 concellos reúnense en Compostela para acordar accións comúns para o fomento do galego
Actualizar o entusiasmo e activar colaborativamente a implicación dos concellos no fomento do galego son os principais obxectivos do Encontro de política lingüística municipal que terá lugar este luns 16 de novembro no Auditorio de Galicia, en Santiago de Compostela.
CENTROS SOCIOCULTURAIS
Novas citas este domingo co programa familiar "12 doces do outono"
A Concellaría de Acción Cultural segue coas actividades do programa familiar 12 doces do outono. Este domingo, 15 de novembro, haberá unha achega escénica para público familiar, combinada coa degustación, ao remate das funcións, de doces do outono elaborados dende os propios centros socioculturais polos veciños en obradoiros previos. A entrada aos espectáculos é de balde, suxeita á capacidade das salas.
ACCIÓN CULTURAL
Cineuropa proxecta os tres volumes de "As Mil e Uma Noites", de Miguel Gomes
Este sábado poderemos asistir a unha tarde dedicada ao noso premiado Miguel Gomes, co pase consecutivo dos tres volumes que conforman o seu último traballo, As Mil e Uma Noites. A cita será no Salón Teatro ás 16:00, 18:15 e 20:45 horas, respectivamente.
TURISMO
Marta Lois participa no evento "Tapa con Estrelas", a antesala do acto de entrega de Estrelas Michelín 2016 da Península Ibérica
A concelleira de Turismo, Marta Lois, participou esta tarde no evento "Tapa con Estrelas", un acto organizado polo Centro Superior de Hostalaría. Pretende promocionar o acto de entrega de estrelas Michelín 2016 da Península Ibérica, que terá lugar o próximo 25 de novembro no Hostal dos Reis Católicos.
ACCIÓN CULTURAL
Chega a Compostela "El triángulo azul", de Laila Ripoll e Mariano Llorente, Premio Nacional de Literatura 2015
Laila Ripoll e Mariano Llorente foron galardoados co premio Nacional de Literatura 2015 na modalidade de Literatura Dramática pola obra El triángulo azul, premiada pola "súa calidade literaria, unha sólida estrutura dramática e a relevancia do tema: a experiencia vivida polos republicanos españois no campo de exterminio de Mauthausen, a súa resistencia e testemuño".
ACCIÓN CULTURAL
Miguel Gomes recibiu o primeiro dos Premios Cineuropa desta XXIX edición
O portugués Miguel Gomes recibu este venres de mans do alcalde de Santiago, Martiño Noriega, o primeiro dos Premios Cineuropa que se outorgan nesta XXIX edición do festival. Autor de A cara que mereces (2004), Aquele querido mês de agosto (2008) ou Tabú, premio Alfred Bauer e FIPRESCI na Berlinale de 2012, Gomes é recoñecido, en palabras de Martin Pawley, como "un gran escoitador e iso fixo del un dos máis grandes fabuladores do noso tempo".