SOSTIBILIDADE
María Pardo reitera a determinación do Goberno municipal para impulsar medidas de eficiencia enerxética
O edificio Cersia acolle o II Congreso Galego de Xestores Enerxéticos. A concelleira de Sostibilidade, María Pardo, que participou no acto inaugural da xornada, deu conta da determinación do Concello de Santiago por impulsar medidas de eficiencia enerxética como estratexia para unha xestión máis eficaz dos recursos públicos e de mellora da calidade de vida dos cidadáns.
ALCALDÍA
O alcalde recibiu o novo embaixador de Cuba en España, Eugenio Martínez
O alcalde compostelán, Ángel Currás, recibiu o novo embaixador de Cuba en España, Eugenio Martínez Enríquez. O diplomático está de visita en Galicia, onde está a manter diversos contactos institucionais con motivo do seu recente nomeamento.
XUNTA DE GOBERNO
Aprobadas as dúas primeiras fases do proxecto de mellora da mobilidade e da accesibilidade de Vista Alegre
A Xunta de Goberno, na súa sesión ordinaria, aprobou o proxecto de mellora e mobilidade e accesibilidade do barrio de Vista Alegre nas súas fases I e II. Tamén deu o visto bo a dous proxectos de mellora da eficiencia enerxética e adxudicou as obras de mellora nas rúas Doutor Teixeiro, República Arxentina, San Pedro de Mezonzo e Santiago de Chile.
CULTURA
Inicio das proxeccións en Cineuropa
Logo do concerto inaugural da Real Filharmonía de Galicia coa proxección de Un perro andaluz de Luis Buñuel e Salvador Dalí, este venres chega a primeira xornada de proxección de películas en Cineuropa. A billeteira do Teatro Principal estará aberta dende as 15:30 horas ata cinco minutos antes do comezo do último filme e ese será o horario de todos os días ata que remate o festival. As entradas están tamén xa á venda en Novagaliciabanco (web e teléfono).
TURISMO
Sesenta e seis establecementos participan na VI edición do Santiago(é)Tapas
A concelleira de Turismo, Reyes Leis, asistiu á rolda de prensa de presentación da VI edición de Santiago(é)Tapas, concurso organizado por Hostalería Compostela co patrocinio de Turismo de Santiago e a colaboración de diferentes empresas do sector agroalimentario e turístico. Nesta convocatoria, que se desenvolverá do 7 ao 24 de novembro, participarán 66 establecementos, que ofrecerán 109 petiscos.
ECONOMÍA
Área Central acolleu unha xornada formativa sobre emprendemento e innovación
A concelleira de Economía e Emprego, Reyes Leis, clausurou a I Xornada de Emprendemento e Innovación, que se celebrou na sala de xuntas do centro comercial Área Central. A actividade pretendía achegar o coñecemento necesario a todos aqueles que posúen unha empresa nova, teñen intención de comezar un proxecto empresarial ou a necesidade de innovar nunha empresa xa consolidada.
EDUCACIÓN
A ilustradora arxentina Mariana Ruiz Johnson recibiu o VI Premio Internacional Compostela de Álbums Ilustrados
O alcalde compostelán, Ángel Currás, entregou do VI Premio Internacional Compostela de Álbums Ilustrados á arxentina Mariana Ruiz Johnson, pola súa obra "Mamá". O pasado mes de abril, o xurado elixira este traballo entre os 374 que se presentaran nesta edición.
ECONOMÍA
Arranca en Santiago de Compostela a I Conferencia Internacional de Experiencia do Cliente "Feeling Brands"
Este venres 8 de novembro chega a Santiago Feeling Brands, a I Conferencia Internacional de Experiencia do Cliente. Esta xornada pretende achegar aos profesionais, empresas e organizacións unha tendencia global e posicionar a Galicia no marketing de experiencias clave para a diferenciación no século XXI.
OBRAS
Reunión cos veciños da rúa de San Pedro para analizar a marcha das obras
A concelleira de Urbanismo reuniuse no Centro Sociocultural da Trisca coa Asociación de Veciños Amigos de San Pedro para falar sobre a marcha das obras na rúa de San Pedro. O luns 11, a edil falará coa outra asociación do barrio, A Xuntanza.
RELACIÓNS VECIÑAIS
Remata o prazo de xustificación das subvencións ás asociacións veciñais
Este luns 11 de novembro, remata o prazo de xustificación das subvencións ás asociacións veciñais de Santiago de Compostela, tal e como se recolle nas súas bases. A Concellería de Relacións Veciñais repartiu 64.800 euros entre as 43 asociacións que presentaron a súa solicitude.