CONSORCIO
O Consorcio de Santiago renovará parte das carpinterías do convento de Belvís, moi afectadas pola humidade
O Consorcio de Santiago saca a concurso as obras de renovación de parte das carpinterías do convento de Belvís, por un importe global de 18.718,70 euros. Trátase das carpinterías da planta superior do lado norte do claustro, as do patio da ala oeste do claustro e as dunha fachada sur na zona de labor. As empresas interesadas teñen de prazo ata o 19 de xuño para presentar as súas propostas.
EDUCACIÓN E CIDADANÍA
Publicadas as listaxes de admitidos/as e excluídos/as do Programa Municipal de Conciliación de Verán
A Concellaría de Educación e Cidadanía vén de facer pública a listaxe de admitidos/as e excluídos/as no Programa Municipal de Conciliación Escolas de Verán 2017. Unha vez sexa adxudicado o servizo pola Xunta de Goberno faranse públicos os prezos públicos a aboar e a conta bancaria de pagamento.
PLENO
A Corporación municipal aproba por unanimidade o novo regulamento do Pleno
A Corporación municipal aprobou esta tarde, por unanimidade, o novo regulamento do Pleno, que ten como obxectivo "facer del un instrumento máis áxil e participativo". Así o explicou a concelleira Marta Lois, encargada de defender a proposta que xa recibira luz verde previamente da Xunta de Goberno.
PLENO
O Concello reclama un xulgado específico para facer fronte ás demandas polas cláusulas solo
O Pleno da Corporación aprobou hoxe unha declaración institucional para instar á Xunta a que solicite ao Goberno do Estado a creación ex novo dun xulgado de reforzo en Santiago co fin de facer fronte ás demandas polas cláusulas solo.
PLENO
O Pleno dá o visto bo á modificación do Consello Municipal de Saúde
A Corporación deu luz verde inicial esta tarde no Pleno á modificación do regulamento do Consello Municipal de Saúde que foi aprobado no ano 2000, no momento da súa constitución inicial.
DEPORTE
O Goberno local inviste 200.000 euros na reforma do pavillón do Colexio Monte dos Postes
A concelleira de Deporte, Noa Morales, presentou esta mañá os detalles da actuación que o Concello acometerá no pavillón do CEIP Monte dos Postes, que a día de hoxe conta con varias deficiencias que afectan á iluminación, á filtración de augas e á reverberación do son, entre outras. Na rolda estivo acompañada de Ramón Blanco, un dos arquitectos responsables do proxecto.
POLÍTICAS SOCIAIS
O Concello asina convenios con sete entidades sociais por valor de 36.500 euros
A concelleira de Políticas Sociais, Concha Fernández, asinou esta mañá sete dos convenios que o seu Departamento ten con diversas entidades sociais da cidade. En total estes sete acordos supoñen un total de 36.500 euros, que permitirán levar a cabo diversos proxectos de relevancia social.
IGUALDADE
Minuto de silencio pola última vítima mortal da violencia machista
A praza do Obradoiro acolleu unha concentración para condenar o último asasinato machista, que deixou este martes unha vítima en Las Gavias (Granada).
CONSORCIO
O Consorcio renova a súa colaboración co Programa ConCiencia da USC, ao que destinará 15.000 euros
O Consorcio de Santiago celebrou este mércores a súa Comisión Executiva, presidida polo alcalde da cidade e presidente do organismo interadministrativo, Martiño Noriega. Na xuntanza deuse conta da renovación do convenio de colaboración coa Universidade de Santiago de Compostela para o desenvolvemento do Programa ConCiencia 2017, ao que destinará 15.000 euros.
ALCALDÍA
Unha panadería, unha libraría e un ultramarinos, protagonistas das imaxes gañadoras do #Fotolingua
O alcalde, Martiño Noriega, visitou este mércores os tres establecementos protagonistas das imaxes premiadas na segunda edición de #Fotolingua, un concurso que ten como obxectivo darlle visibilidade aos comercios que fan uso do galego. Desta vez, nas fotografías gañadoras aparecen a Panadería O Cornecho, a Libraría Chan de Pólvora e o Ultramarinos Algalia.