Noticias

O concelleiro de Festas, Xosé Baqueiro; a presidenta da Asociación do Traxe Galego, Rita Miramontes; e unha colaboradora da asociación, Concha Losada, presentaron en rolda de prensa a trixésima primeira edición do Día do Traxe Galego. Celebrarase, no marco das Festas do Apóstolo, o domingo 26 de xullo.

O Concello de Santiago e a Sociedade Municipal de Xestión do Transporte Urbano (TUSSA) iniciaron en xullo de 2008 a campaña Se bebes, déixao. Aproveitando este mes de festas e celebracións, queren recordar que os usuarios dos aparcadoiros municipais de Belvís e Xoán XXIII teñen á súa disposición dous alcoholímetros.

O venres 24 de xullo remata o prazo para anotarse no campamento AnimaLingua, que se realizará na Granxa Escola da Fervenza do Toxa, en Silleda, do 17 ao 26 de agosto. Ata 30 nenos e nenas de entre 8 e 11 anos (a idade é flexible) poderán participar nesta actividade, co obxectivo de que se expresen en galego ao tempo que coñecen o funcionamento dunha granxa ou se inician nas tarefas propias dunha hora ou dun invernadoiro.

Inaugurouse no parque de San Lázaro a súa nova área recreativa con parque infantil, construída no marco dos Fondos FIL. A zona acondicionada está situada na parte máis occidental do parque, na esquina da rúa Clemente Fernández Sarela e da avenida de Fernando de Casas Novoa.

O concelleiro de Promoción Económica, Emprego, Comercio e Turismo, Xosé Manuel Iglesias, entregou as bandas de escaparatismo aos tres premiados na edición de verán do VI Concurso Municipal de Escaparatismo SCQ Shopping: a tenda de doces Pecados de Compostela, Óptica Pontecastro e Sistemas de Seguridade A-1. O obxectivo do certame, dirixido a todos os comercios da cidade, é contribuir á dinamización e mellora dos estabelecementos en activo, incentivando a súa capacidade creativa e a súa imaxe.

Turismo de Santiago, co obxectivo de prestar un servizo de información turística máis áxil e eficaz, pon en funcionamento un ano máis a un grupo de voluntarios, denominado "Chaquetas Vermellas" polo seu vistoso uniforme. Estará en funcionamento entre o 20 de xullo e o 31 de agosto, na temporada alta turística.

O alcalde compostelán, Xosé A. Sánchez Bugallo, visitou o novo aparcadoiro da Choupana, con motivo da súa posta en funcionamento. Este estacionamento, que dará servizo aos usuarios do Hospital Clínico, abre ao público con 402 prazas.

Como é tradicional, dentro do marco das Festas do Apóstolo inclúense as Xornadas de Folclore Galego, que se celebran en dúas quendas: o sábado 18 sábado e o domingo 19 a partir das 22:00 horas. Este evento cultural, que este ano cumpre a súa XXXXI edición, está xa asentado na cidade e pretende atraer aos grupos máis representativos do folclore tradicional galego.

O reparto de subvencións proposto pola Xunta para a promoción das liñas aéreas de baixo custo entre os tres aeroportos galegos sería un "desastre" para o sector turístico de Galicia, sinalou o concelleiro de Turismo, Xosé Manuel Iglesias. Así, reclamou que "non se modifique un modelo de subvencións que demostrou a súa rendibilidade para Santiago e para Galicia".

Os alcaldes das cidades de Santiago, Xosé A. Sánchez Bugallo; Lugo, José López Orozco; A Coruña, Javier Losada; e o Cebreiro, José Luis Raposo, percorreron cinco quilómetros do Camiño de Santiago, cos que selaron o "triángulo máxico" do turismo mundial galego, co obxectivo de "ser patrimonio mundial da paz, da convivencia e do encontro".