ALCALDÍA
A Conferencia de Cidades do Arco Atlántico presenta as súas contribucións ás Redes Europeas de Transporte
O alcalde compostelán, Xosé A. Sánchez Bugallo, presidiu na cidade francesa de Poitiers o Buró Executivo da Conferencia de Cidades do Arco Atlántico. No encontro debatéronse as contribucións dos territorios atlánticos ao escenario da crise e presentaranse as achegas da CCAA ao Libro Verde sobre as Redes de Transporte Transeuropeas e ao Libro Verde sobre a Cohesión Territorial.
MERCADOS
Cen postos, talleres e actividades lúdicas para todos na Feira de Artesanía
Do 9 ao 12 de abril, o paseo central da Alameda acollerá a Feira de Artesanía. O evento, que se desenvolverá en horario de 11:00 a 14:00 e de 18:00 a 22:00 horas, contará con 100 expositores e con talleres, mostras, animación musical e un recuncho infantil.
EDUCACIÓN
O mexicano Felipe Ugalde gaña o II Premio Compostela cun álbum de gran riqueza estética e literaria
O ilustrador mexicano Felipe Ugalde proclamouse gañador da segunda edición do Premio Internacional Compostela de Álbums Ilustrados, cunha obra da que o xurado destacou a súa gran riqueza técnica, estética e literaria. Por este proxecto, presentado co lema Sueños de grandeza, o autor recibirá 12.000 euros e o libro publicarase a finais de 2009 nas cinco linguas peninsulares.
CENTROS SOCIOCULTURAIS
Un obradoiro formará ao cidadán como espectador teatral
Presentouse en Raxoi o Obradoiro do espectador, unha iniciativa para a formación de público activo no eido teatral. Esta actividade está promovida polo Grupo Chévere, compañía residente na Sala Nasa, e conta co apoio da Concellaría de Cultura e da Rede Municipal de Centros Socioculturais.
ALCALDÍA
O alcalde viaxa a Poitiers para presidir o Buró Executivo da Conferencia de Cidades do Arco Atlántico
O alcalde compostelán viaxou á cidade francesa de Poitiers para presidir o Buró Executivo da Conferencia de Cidades do Arco Atlántico. No encontro debateranse as contribucións dos territorios atlánticos ao escenario da crise e presentaranse as achegas da CCAA ao Libro Verde sobre as Redes de Transporte Transeuropeas.
XUVENTUDE
A segunda edición do "MúsicaXove" reunirá a unha ducia de grupos nas categorías de metal, hip hop, pop-rock e autor-folk
O II Certame MúsicaXove’09, organizado pola Concellaría de Xuventude, xa ten seleccionados aos seus participantes, un total de 12 grupos elixidos entre as 25 propostas iniciais que competirán en catro modalidades diferentes os días 16, 23 e 30 de abril na Sala Capitol.
EMPREGO
Oito entidades vinculadas ao mercado laboral asinan o Pacto Local polo Emprego
O concelleiro de Promoción Económica, Emprego, Comercio e Turismo, Xosé Manuel Iglesias, asinou, en nome do Concello de Santiago, o Pacto Local polo Emprego de Santiago de Compostela (PLE) con representantes de outras sete entidades vinculadas ao mercado laboral: Xunta de Galicia, Universidade de Santiago de Compostela, sindicatos UXT e CCOO, Asociación de Empresarios do Polígono Industrial do Tambre, Asociación de Empresarios de Hostalería, e Asociación Plataforma polo Emprego.
CIDADE HISTÓRICA
A reurbanización da rúa do Olvido e do seu contorno permitirá conectar Belvís co Ensanche compostelán
A concelleira da Cidade Histórica e Rehabilitación, Olga Pedreira, presentou o proxecto das obras de reurbanización da rúa do Olvido e do seu contorno. Na presentación aos medios estivo acompañada de Javier Fernández Muñoz, xefe de servizo da Oficina de Rehabilitación e Vivenda dependente da Concellaría.
CULTURA
Teatro, danza e moita música no programa cultural do mes de abril en Compostela
Presentouse a programación cultural do mes de abril, no que as artes escénicas e musicais ocupan unha posición central. Destacan eventos como a representación da premiada Urtain, da compañía Animalario, ou o espectáculo de danza A quinta do xordo, da compañía francesa de Catherine Diverrès.
BENESTAR SOCIAL
O Concello colabora na difusión dun libro con receitas galegas aptas para diabéticos
O Pazo de Raxoi acolleu esta unha rolda de prensa na que a concelleira de Benestar Social e Muller, Mar Martín, presentou o libro Receitas de Cociña Tradicional Galega para pacientes con diabete. Na presentación tamén estivo a autora do libro e presidenta da Asociación Compostela de Diabéticos, Teresa Lord, e Montse Goma, en representación de Roche Diagnostics.