Noticias

Baixo o nome de Código Cociña xa se pode consultar na rede o manual de boas prácticas á hora de crear e xestionar a través de internet un blog de tema gastronómico.

Vintecinco empresas e comercios beneficiaronse no ano 2007 de descontos en tarifas publicitarias grazas á aplicación do Programa de fomento do investimento en publicidade e promoción comercial, recollido nun convenio asinado entre a Concellaría de Promoción Económica, Emprego, Comercio e Turismo e os principais medios de comunicación que operan en Santiago. A cifra é un moi superior á edición do 2006, ano no que se emitiron catro certificados.

O concelleiro de Facenda, Andrés Fariña, acudiu á XXV Asemblea Xeral do Eixo Atlántico do Noroeste Peninsular, que se celebrou no Pazo de Castrelos de Vigo. Como representante da cidade de Compostela, Fariña fixo unha exposición das novas potencialidades coas que conta o Eixo dos 34, e animou aos representantes das cidades membro a consolidar a súa posición territorial a través de iniciativas relevantes no plano laboral, nos transportes, nas infraestruturas, na cultura e no deporte.

A Santiago de Compostela Film Commission (SCFC) asistirá ao Festival Internacional de Cinema de Berlín, a Berlinale, que se celebra na capital alemá entre o 7 e 17 de febreiro. Entre outras actividades previstas para o certame, destaca a xuntanza da recentemente creada European Film Commission Network, da que SCFC é membro fundador.

O alcalde de Santiago, Xosé A. Sánchez Bugallo, trasladouse a Vigo para participar na Comisión Executiva do Eixo Atlántico. Durante a xuntanza, aprobouse a incorporación das cidades previstas na anterior comisión executiva e discutíronse os convenios, o programa e os orzamentos para o ano 2008. Tamén houbo un debate sobre os principais eixes que se presentarán ao debate político da XXV Asemblea Xeral da entidade, que se celebrará o venres 8, e á que acudirá o concelleiro de Facenda, Andrés...

Un total de 101 usuarios do Proxecto Crear IV accedeu xa ao mercado laboral desde que comezou o programa, en xuño do 2007. Esta cifra representa un 50,5% do total de participantes, máis de dez puntos por enriba do 40% fixado como obxectivo pola Xunta de Galicia. Das 101 persoas inseridas laboralmente 67 son mulleres e 38 homes. Outros 26 participantes no programa (19 mulleres e 7 homes) están realizando prácticas profesionais nalgunha das 93 empresas visitadas ata o momento. Ademais, no marco do Crear IV, programáronse 23 actividades formativas cunha...

Os nenos terán un lugar no Fórum Gastronómico Santiago’08. Durante o 16 e o 17 de febreiro, na Aula de Nenos celebraranse obradoiros gastronómicos de gran nivel pedagóxico, que suporán unha iniciación na cociña de xeito activo e divertido.

As rúas de Compostela sentiron o espírito do Antroido grazas ao tradicional desfile de comparsas e carrozas, que congregou a milleiros de persoas polo centro da cidade. Máis de 30 comparsas e carrozas e multitude de disfraces (de grupo, parella e individuais) inundaron as rúas de cores e de música.

A Concellaría de Promoción Económica e Comercio organiza a II Feira do Comercio polo miudo que se celebrará no recinto de Amio baixo o lema Marzo, mes do Comercio. A información sobre o evento e as condicións de participación, que se está repartindo entre os estabelecementos composteláns, pode consultarse na web www.maiscompostela.org.

O alcalde de Santiago presidiu o acto de inauguración da exposición Textura de mar, de Urbano Lugrís Vadillo. Esta mostra encádrase no ciclo de exposicións individuais dedicado a artistas surrealistas a nivel internacional organizado pola Fundación Granell.