PLENO
O Concello de Santiago mostra o seu apoio ao persoal da planta de Halago no Polígono do Tambre
O Pleno da Corporación aprobou hoxe unha declaración institucional en apoio aos traballadores e traballadoras da planta Halago Alimentaria S.A. no Polígono do Tambre. O texto pactado polos catro grupos municipais solicita á dirección da empresa que adopte as medidas necesarias que posibiliten a recuperación canto antes da produción nestas instalacións, garantindo as condicións laborais do persoal, e que manteña aos traballadores informados en todo momento da súa situación. Tamén se lle solicita ao...
ACCIÓN CULTURAL
Cisma Danza e La Incidente D-T, no Teatro Principal
A Concellaría de Acción Cultural celebrará o Día Internacional da Danza (29 de abril) coa presenza de diferentes compañías que, dende este xoves 27 e ata o sábado 29, ofrecerán diversos espectáculos que nos achegarán á danza contemporánea. Dentro desta programación especial, Cisma Danza e La Incidente D-T presentan Absentia este venres 28 de abril, ás 20:30 horas, no Teatro Principal.
ALCALDÍA
O alcalde reivindica a unidade do sector editorial e das administracións na defensa do libro galego
O alcalde, Martiño Noriega, participou este mediodía na presentación da II Gala do Libro Galego, que se celebrará no Teatro Principal o próximo 20 de maio. No acto tamén participaron a vicepresidenta da Deputación da Coruña, Goretti Sanmartín; o secretario Xeral de Cultura, Anxo Lorenzo; e os principais responsables das tres entidades organizadora do evento: Xosé Ballesteros, da Asociación Galega de Editores; Cesáreo Sánchez, da Asociación de Escritores en Lingua Galega; e Antón Pedreira,...
ESPAZOS CIDADÁNS
O Concello e o COAG convocarán concursos de arquitectura para proxectos relevantes da cidade
O concelleiro de Espazos Cidadáns, Dereito á Vivenda e Mobilidade e o responsable en Santiago do Colexio Oficial de Arquitectos de Galicia presentaron hoxe o protocolo de colaboración entre o Concello e o COAG para a convocatoria dunha serie de concursos arquitectónicos vinculados a algunhas das actuacións máis importantes previstas na cidade de cara aos próximos anos. Jorge Duarte e Santiago García coincidiron na importancia deste acordo, que "permitirá que prime a calidade arquitectónica dos proxectos e que...
ALCALDÍA
Os "Encontros ao vivo" chegan este venres á zona urbana sureste
Mañá venres celebrarase o terceiro dos "Encontros ao vivo" convocados polo Goberno local para render contas diante da cidadanía e para recoller as súas queixas e suxestións. A cita será a partir das 19:30 horas no Centro Sociocultural do Castiñeiriño.
CONSORCIO
Últimos días para solicitar as axudas destinadas á mellora dos locais comerciais da cidade histórica
No marco do Programa Localízate, o Consorcio de Santiago vai destinar este ano 150.000 euros en axudas para mellorar a accesibilidade, a eficiencia enerxética, a imaxe exterior e o acondicionamento interior dos locais comerciais situados no ámbito do Plan Especial de Rehabilitación da Cidade Histórica de Santiago. O prazo de presentación de solicitudes remata o vindeiro 8 de maio.
DEPORTE
As seleccións galega e arxentina de tenis de mesa disputarán un amigable en Santiago de Compostela
A concelleira de Deporte, Noa Morales, e o presidente de Arteal TM e vicepresidente da Federación Galega de Tenis de Mesa, José Alborés, deron a coñecer este mércores os detalles dos encontros amigables que a selección galega disputará coa arxentina.
ALCALDÍA
O Ministerio de Fomento recupera o seu compromiso co acondicionamento da rotonda de Conxo
O ministro de Fomento comprometeuse este mércores a executar o acondicionamento en superficie da rotonda de Conxo, na reunión que mantivo esta mañá en Madrid co alcalde de Santiago. A recuperación dese compromiso era un dos obxectivos de Martiño Noriega nesta xuntanza, na que tamén se abordaron outras actuacións importantes para Compostela.
IGUALDADE
Comeza a preinscrición do programa de conciliación familiar e laboral Verán CampUSC
Actividades deportivas, culturais, socioeducativas e de lecer especialmente deseñadas para rapaces e rapazas de 3 a 13 anos conforman a oferta de Verán CampUSC 2017, programa da USC que por segundo ano conta coa colaboración do Concello de Santiago, orientado a favorecer a conciliación familiar e laboral das familias durante o verán. O programa oferta cinco posibles quendas entre finais de xuño, durante o mes de xullo e para a primeira semana de setembro, con 100 prazas en cada unha delas, 70 reservadas á comunidade universitaria e...
ACCIÓN CULTURAL
Compostela celebra o Día Internacional da Danza
A Concellaría de Acción Cultural celebrará o Día Internacional da Danza (29 de abril) coa presenza de diferentes compañías que, dende este xoves 27 e ata o sábado 29, ofrecerán diversos espectáculos que nos achegarán á danza contemporánea.