XUNTA DE GOBERNO
O Goberno interpón unha demanda contra Carmen Franco para reclamar as esculturas do Mestre Mateo
A Xunta de Goberno acordou hoxe interpoñer unha demanda de xuízo ordinario contra Carmen Franco y Polo para reclamar as dúas esculturas do Mestre Mateo que están en mans da familia Franco malia a seren propiedade do Concello de Santiago. O alcalde, Martiño Noriega, deu conta desta decisión, "que se adopta despois de que a herdeira do ditador non respondera ao requirimento que se lle enviou para solicitar a devolución das pezas".
DEPORTE
Unha campaña promoverá nos centros escolares a práctica do squash
A concelleira de Mocidade e Deportes, Noa Morales, e o presidente da Federación Galega de Squash, Carlos Noya, presentaron a campaña de promoción Coñece o Squash, que se está realizando en varios centros de ensino da cidade. A campaña está dirixida a nenos e nenas de Primaria, de entre 3 e 11 anos, co obxectivo de fomentar a práctica deste deporte.
ALCALDÍA
Martiño Noriega demanda seguir avanzando na mellora da calidade de vida e da visibilización das persoas con dano cerebral
O alcalde de Santiago participou na clausura do acto de celebración do décimo aniversario da Federación Galega de Dano Cerebral, FEGADACE. Na cerimonia, Martiño Noriega felicitou a entidade pola súa efeméride e estendeu os seus parabéns ao actual presidente, Luciano Fernández, e a José Balboa, "impulsor dos primeiros proxectos que implicaban a visibilización das persoas con dano cerebral e das súas familias". De maneira conxunta, o rexedor tamén felicitou a cada unha das cinco asociacións que...
DESENVOLVEMENTO ECONÓMICO
O Concello de Santiago deseña un plan de formación multidisciplinar para os postos da Praza de Abastos
O Concello de Santiago, en colaboración coa Cooperativa da Praza de Abastos, ofrecerá dende o mes de novembro ata febreiro un plan de formación para os praceiros e praceiras do Mercado, no que se estudarán as posibilidades que se abren para os seus negocios en tres campos distintos: a ilustración como ferramenta de promoción, a eficiencia enerxética e o marketing dixital. As persoas interesadas poden participar gratuitamente en todas as accións formativas ou naquelas do ámbito concreto que máis lles interese.
XUNTA DE GOBERNO
Iniciada a licitación das obras de restauración do itinerario fluvial do Sarela
A Xunta de Goberno iniciou hoxe o procedemento de adxudicación das obras de restauración e mellora do itinerario fluvial "De ponte a ponte polo río Sarela". A actuación ten un tipo de licitación de case 90.000 euros.
ACCIÓN CULTURAL
Amal pecha a súa XV edición
A Semana de Cinema Euroárabe, Amal 2017, finaliza con éxito a edición deste ano, celebrada no Teatro Principal, coa colaboración da Consellería de Cultura e o Concello de Santiago.
TURISMO
Santiago promociónase na feira turística máis importante de Asia
Turismo de Santiago participou esta semana na ITB Asia, que se celebrou en Singapur do 25 ao 27 de outubro. A ITB Asia é a feira turística máis importante do continente e reúne aos profesionais máis destacados de países como Xapón e Corea do Sur, que son mercados estratéxicos para a cidade. Esta acción de promoción súmase á que se levou a cabo a finais de setembro, cando tamén se participou na Tourism Expo Japan 2017, a mostra de turismo máis importante de Xapón.
ACCIÓN CULTURAL
O actor arxentino Leonardo Sbaraglia recibirá un dos Premios Cineuropa 2017
O festival Cineuropa distinguirá nesta edición a prolífica traxectoria de Leonardo Sbaraglia, un intérprete que, con máis de 50 longametraxes ás súas costas, se atopa nunha etapa de admirable madurez interpretativa. A cerimonia de entrega do Premio Cineuropa a Leonardo Sbaraglia terá lugar o martes 14 de novembro, ás 20:00 horas, no Teatro Principal.
ALCALDÍA
A veciñanza da zona norte da cidade trasládalle ao Goberno local as súas peticións nun novo encontro "Ao vivo"
O grupo de Goberno mantivo esta tarde un novo encontro "Ao vivo", desta vez no Centro Sociocultural de Vite e coa veciñanza da zona Urbana Norte. Ao encontro, no que participaron preto de cen persoas, estaban convocados os veciños e veciñas dos barrios de San Roque, Basquiños, Estila, Pelamios, Almáciga, Vista Alegre, Romaño, Vite, Guadalupe, Salgueiriños, Meixonfrío e Cancelas.