Noticias

O alcalde compostelán, Xosé A. Sánchez Bugallo, clausurou as actividades do Obradoiro de Arte "Artellando", na Escola Infantil Municipal de Conxo, coa exposición de todos os traballos realizados durante o curso escolar 2007-2008.

O martes 1 de xullo entra en vigor o horario de verán dos autobuses urbanos. As modificacións mantéñense na liña de anos anteriores e poden consultarse na páxina web de TUSSA. A empresa xestora do transporte urbano celebrou o seu Consello de Administración, onde se adxudicou a creación da nova páxina web da entidade e tamén un lector de matrículas de saída no aparcadoiro vixiado de Xoán XXIII.

A Xunta de Goberno local adxudicou provisionalmente as obras de reposición e reparación de pavimento na beirarrúa da rotonda do Restollal. Esta actuación está presupostada en 56.950 euros.

O martes 1 de xullo, ás 20:00 horas, na sala de exposicións Isaac Díaz Pardo do Auditorio de Galicia, inaugurarase a mostra Fotógrafos insospeitados. Celebridades detrás do obxectivo, organizada pola Concellaría de Cultura e Centros Socioculturais.

Presentouse Curtocircuíto na Rúa, o ciclo de curtas que converterá as prazas do Casco Histórico en salas de cinema. Os xoves de xullo e agosto proxectarase unha serie de sete programas temáticos que reunirán máis de 60 curtametraxes de todo o mundo.

A Xunta de Goberno aprobou as bases do V Concurso Municipal de Escaparatismo SCQ Shopping 2008, organizado pola Concellaría de Promoción Económica, Emprego, Comercio e Turismo. Ábrese así o prazo de inscrición na tempada de Verán do Certame, que remata o luns, 7 de xullo.