Noticias

Os meses de marzo, abril e maio desenvolveranse a campaña INformación e Deporte. Trátase de tres accións formativas do Concello sobre o mundo da actividade física e o deporte. A inscrición é de balde.

O alcalde compostelán, Xosé A. Sánchez Bugallo, insistiu de novo que, respecto á nova terminal de Lavacolla, "a prioridade é que se poña a data de ocupación dos terreos e comecen as obras". Así llo transmitiu en sendas conversas á presidenta de AENA, Encarnación Vivancos, e ao secretario de Estado de Defensa, Constantino Méndez.

Presentouse o Ciclo de Cine Galego que se celebrará no Teatro Principal do 9 ao 13 de marzo. Inclúe a proxección de 15 filmes entre curtas e longametraxes.

A ministra de Medio Ambiente, Medio Rural e Mariño, Elena Espinosa, e o alcalde compostelán, Xosé A. Sánchez Bugallo, presidiron o acto de homenaxe a 8 Mulleres que abren Camiños, con motivo da celebración, o 8 de marzo, do Día Internacional da Muller. Recoñeceuse así o labor de oito mulleres que romperon barreiras en ámbitos laborais novos e que dedicaron e/ou dedican a súa vida ao traballo e á innovación.

O domingo 8 de marzo, celébrase o Día Internacional da Muller. Con ese motivo a Banda Municipal de Música preparou un programa especial, en colaboración coa Concellaría de Benestar Social, no que se van interpretar obras realizadas por mulleres ou dedicadas a elas, contando coa presenza da soprano Aida López. Despois do concerto, fallarase o Premio de Investigación Xohana Torres.

Unha delegación de 45 persoas, entre alumnado do Proxecto Persoa IV, técnicos do Concello e persoal docente, visitou a Estación de Tratamento de Auga Potable, o Punto Limpo situado no Polígono Industrial do Tambre e a depuradora da Silvouta. O Persoa IV é un programa de inserción laboral que está desenvolvendo a Concellaría de Promoción Económica e Emprego. Este proxecto contempla formar a 120 desempregados/as en dúas quendas de 60 persoas, en especialidades centradas nos servizos e coidados...

O número de pernoctacións en Santiago no mes de xaneiro foi de 58.602, o que supón unha subida do 2,49% respecto das 57.178 do mesmo mes do ano 2008, segundo os datos do Instituto Nacional de Estatística (INE). Estes datos prodúcense nun entorno de crise económica internacional que tamén está a afectar ao sector turístico.

O alcalde compostelán, Xosé A. Sánchez Bugallo, recibiu en Raxoi ao ministro de Economía e Finanzas de Uruguai, Álvaro García Rodríguez, e ao embaixador deste país en España, Ricardo González.

O equipo xuvenil do Lobelle de Santiago FS foi recibido polo alcalde, Xosé A. Sánchez Bugallo, e por parte da Corporación municipal, en recoñecemento ao seu recente éxito no Torneo de Filiais da Copa de España, celebrada en Granada.

A organización fletará autobuses gratuitos para facilitar o desprazamento daquelas persoas que desexen asistir á terceira edición de Compostela Outlet, que se celebrará o 14 e 15 de marzo no Recinto Feiral de Amio. Desenvolvida pola Concellaría de Promoción Económica, Emprego, Comercio e Turismo, o evento ten como obxectivo axudar aos estabelecementos de venda polo miúdo de Santiago a liquidar existencias, e ao mesmo tempo, ofrecer aos consumidores produtos de calidade a prezos reducidos.