IGUALDADE
Minuto de silencio pola última vítima mortal da violencia machista
A praza do Obradoiro acolleu unha concentración para condenar o últimos asasinato machista, que deixou onte unha vítima en Palma de Mallorca.
IGUALDADE
Dezasete concellos únense á campaña "En negro contra a violencia"
O Pazo de Raxoi acolleu esta mañá a sinatura dun protocolo de colaboración entre os 17 concellos adheridos á campaña En negro contra a violencia. No acto estiveron representados 15 destes consistorios, en concreto polos os alcaldes e alcaldesas de Ames, José Manuel Miñones; Lugo, Lara Méndez; Ribadeo, Fernando Suárez; Santiago, Martiño Noriega; Sarria, Pilar López; Vilaba, Agustín Baamonde e Zas, Manuel Muíño. Tamén estiveron os concelleiros e concelleiras de Igualdade de Cangas,...
MEDIO AMBIENTE
Vinte e cinco restaurantes súmanse á iniciativa "Que che re-aproveite!"
O concelleiro de Medio Ambiente e Convivencia, Xan Duro, presentou hoxe unha nova actividade organizada polo seu Departamento para celebrar a Semana Europea da Prevención de Residuos. Trátase da campaña Que che re-aproveite!, que ten como obxectivo evitar o malgasto alimentario nos establecementos de hostalería.
ACCIÓN CULTURAL
A Real Filharmonía de Galicia puxo en directo a banda sonora ao filme "Metrópolis"
No marco da 30ª edición do festival Cineuropa, proxectouse no Auditorio de Galicia o filme Metrópolis, dirixido no ano 1927 por Fritz Lang e con música do compositor alemán Gottfried Hupperttz. De maneira simultánea á proxección desta película muda, a Real Filharmonía de Galicia interpretaou en directo a banda sonora orixinal, baixo a batuta do director andaluz Manuel Coves. O filme e as partituras foron cedidas polo European Filme Philarmonic Institute.
ACCIÓN CULTURAL
Os cineastas Pascale Breton e Manuel Iborra visitan Cineuropa para presentar "Suite Armoricaine" e "La fiesta de los locos"
Día de presentacións en Cineuropa, coa presenza dos cineastas Pascale Bretón e Manuel Iborra. Ademais, Paula Ortiz dará unha clase maxistral e será a xornada das estreas de La tempestad calmada, The autopsy of Jane Doe e Nasty baby.
PLENO
O Pleno aproba unha declaración institucional para reclamar o cuarto xulgado do Social
O Pleno da Corporación aprobou hoxe unha declaración institucional na que se reclama a creación dun cuarto xulgado do Social en Santiago. O texto foi acordado polos catro grupos, despois de que a comisión mixta formada pola Xunta e o Tribunal Superior de Xustiza de Galicia desbotase a posta en marcha desa sala, longamente demandada na cidade.
PLENO
Santiago reclama para Galicia a titularidade da autoestrada AP-9
O Pleno da Corporación aprobou hoxe unha declaración institucional na que reivindica para Galicia a titularidade e as competencias da AP-9, segundo o Proxecto de Lei Orgánica aprobado por unanimidade no Parlamento Galego, pero que o Congreso dos Deputados desbotou tramitar no pasado mes de outubro. O texto acordado polos catro grupos municipais insta ao Goberno central e ao Ministerio de Fomento a retirar esa desconformidade, e a todos os grupos políticos con representación nas Cortes Xerais a axilizar a tramitación e a aprobación do citado...
ALCALDÍA E CONVIVENCIA
A Policía Local de Santiago estrea nove vehículos
O alcalde, Martiño Noriega, e o concelleiro de Medio Ambiente e Mobilidade, Xan Duro, presentaron hoxe os novos coches da Policía Local, nun acto no que participou tamén o inspector principal do Corpo, José Manuel Traba. A incorporación destes vehículos era unha vella demanda da Policía Local, que viña utilizando un parque móbil moi envellecido e con moito uso.
MEDIO AMBIENTE
O Concello e Tropa Verde súmanse á Semana Europea da Prevención de Residuos
O concelleiro de Medio Ambiente e Convivencia presentou hoxe a actividade que o Concello vai desenvolver en colaboración coa Tropa Verde, para sumarse á celebración da Semana Europea da Prevención de Residuos. Foi nunha rolda de prensa na que Xan Duro estivo acompañado por Iago Elizechea e Marta Morán, representantes da empresa Teimas Desenvolvemento, que xestiona a Tropa Verde.
TURISMO
Santiago de Compostela, unha das cidades máis inspiradoras do mundo
A axencia de viaxes online TravelBird acaba de publicar un estudo sobre as cidades máis inspiradoras do mundo. Nesa clasificación, Santiago de Compostela sitúase como a sexta cidade do mundo, a cuarta de Europa e a primeira de España. Esta clasificación utiliza oito criterios asociados coa innovación e a creatividade para permitir aos viaxeiros a elixir a súa mellor próxima aventura.