Noticias

Dez cans da Fundación Refuxio de Animais van realizar o vindeiro sábado, 12 de xuño, a derradeira etapa do Camiño de Santiago, dende o Refuxio de Bando ata a praza de Cervantes. O obxectivo desta peregrinación é promover a adopción de animais abandonados, así como informar sobre formas de colaboración coa Fundación.

Santiago(é)Tapas, o concurso de tapas de Santiago de Compostela, celebra o Ano Santo Compostelán 2010 ampliando a súa duración de 17 a 24 días. Deste xeito dáse tamén resposta a unha das demandas dos participantes no concurso na pasada edición, que nesta ocasión terán máis tempo para degustar as 109 tapas que ofertarán os 56 estabelecementos participantes.

As concelleiras de Cultura e Centros Socioculturais, Socorro García Conde, e de Medio Ambiente, Elvira Cienfuegos, presentaron o programa de activiades ao aire libre Vive o verán, que acada este ano a súa terceira edición.

As retribucións dos membros da Corporación e do persoal eventual foron aprobadas pola Xunta de Goberno, atendendo ás minoracións formuladas pola Federación Española de Municipios e Provincias. Na mesma sesión adxudicáronse obras por máis dun millón de euros.

No marco das IV Xornadas de Transporte e Mobilidade, o alcalde compostelán, Xosé A. Sánchez Bugallo, inaugurou unha exposición de autocares antigos no paseo central da Alameda. Antes, pola mañá, a Casa do Concello acollera a xuntanza da Comisión de Transporte e Infraestruturas da Federación Española de Municipios e Provincias (FEMP).

O Grupo de Cidades Patrimonio da Humanidade de España participa en Santiago de Compostela do Encontro Empresarial co mercado xaponés organizado por Turespaña, onde presentará a máis de 20 turoperadores e axentes xaponeses a oferta turística e cultural das 13 cidades que forman o Grupo. Durante o encuentro, no Parador dos Reis Católicos e coa presenza de Ignacio Ducasse, director da Oficina Española de Turismo de Tokio, levarase a cabo un workshop onde os asistentes terán contacto directo e recibirán información de...

O sábado 12 de xuño celebrarase en Santiago, no Pavillón Municipal de Santa Isabel, o X Trofeo de Kárate "Cidade de Santiago", que organiza a Agrupación Deportiva Galaika coa colaboración da Concellería de Deportes.

O venres 11 de xuño abriranse os novos espazos da Fundación Granell, grazas ao acondicionamento da superficie anexa ocupada no seu día por EMUVISSA. Este foi un dos temas que se abordou na reunión do Padroado da Fundación Granell, presidido polo alcalde compostelán, Xosé A. Sánchez Bugallo.

A Concellaría de Promoción Económica, Emprego, Comercio e Turismo abriu o prazo de inscrición na xornada técnica Eficiencia enerxética. A aposta europea pola eficiencia enerxética, a competitividade e o emprego. O encontro celebrarase o 17 de xuño no Centro Social de Caixanova (praza de Cervantes, 17).

A exposición La colección de billetes BBVA 1798-2000 y presencia de BBVA en Santiago foi inaugurada oficialmente polo alcalde compostelán, Xosé A. Sánchez Bugallo, na oficina desta entidade bancaria da rúa Senra.