LINGUA
Impulso á creación da Asemblea de Entidades Locais pola Lingua
O Pazo de Raxoi acolleu hoxe unha xuntanza de cargos municipais con responsabilidade na política lingüística, tanto técnicos como políticos, co obxectivo de avanzar na creación da Asociación de Entidades Locais pola Lingua co fin de desenvolver proxectos conxuntos no ámbito da normalización do idioma.
INNOVACIÓN
Compostela acollerá os días 30 e 31 de outubro a 5ª reunión de coordinación do Atlantic Social Lab
Santiago de Compostela acollerá os vindeiros 30 e 31 de outubro a 5ª xuntanza transnacional de socios do proxecto europeo Atlantic Social Lab. Á reunión acudirán arredor de 25 persoas pertencentes a cinco países da Unión Europea (Francia, Portugal, Reino Unido, Irlanda e España), co obxecto de por en común os avances dos traballos realizados no marco no proxecto.
DESENVOLVEMENTO ECONÓMICO
Nace "Talentia 2018", un espazo aberto polo emprego que se celebrará o 13 e o 14 de novembro no Palacio de Congresos
O Pazo de Congresos e Exposicións de Santiago acollerá, os vindeiros 13 e 14 de novembro, o evento Talentia 2018, que nace en Compostela como un novo espazo aberto polo emprego. Esta cita "toma o relevo dos foros de emprego que a Axencia Local de Colocación viña organizando nos anos anteriores", tal e como sinalou a concelleira de Igualdade, Desenvolvemento Económico e Turismo, Marta Lois. As inscricións ábrense o mércores 31 de outubro.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu este mediodía un minuto de silencio para condenar os último asasinatos machistas, o dunha muller en Sevilla e doutra en Pamplona.
ACCIÓN CULTURAL
"Territorios de intimidade. Artistas galegas baixo o franquismo 1940-1975", nova mostra do Auditorio
Territorios de intimidade. Artistas galegas baixo o franquismo 1940-1975 é o nome da nova exposición do Auditorio de Galicia que se inaugura este mércores 24 de outubro. Comisariada por Rosario Sarmiento, amosa máis de 70 obras entre pintura, debuxo e escultura ademais de documentación que as contextualiza. Obras de 13 artistas galegas, algunhas delas inéditas, procedentes de fondos privados, e que poderán ser vistas polo público por vez primeira.
ALCALDÍA
USC e Concello acordan iniciar os traballos de mellora e acondicionamento do Campus Vida
A Universidade de Santiago e o Concello compostelán acordaron crear unha comisión de traballo que se reunirá de maneira periódica para tratar asuntos de interese común, nomeadamente relacionados co acondicionamento do Campus Vida.
TURISMO
Santiago acolle o 1º Maratón Internacional de Creación de Curtametraxes Kino Galicia
A concelleira de Turismo, Marta Lois, presentou no Pazo de Raxoi o Primeiro Maratón Internacional de Creación de Curtametraxes Kino Galicia, que se celebrará no CGAC do 29 de outubro ao 3 de novembro. Na presentación participaron tamén o secretario xeral de Política Lingüística, Valentín García; a xerente de Turismo de Santiago, Flavia Ramil; e o coordinador e a directora de Comunicación de Kino Galicia, Miguel Moreda e Rosa Vázquez.
CENTROS CÍVICOS
Volven os "12 doces do outono" aos centros cívicos
A Rede de Centros Cívicos pon en marcha, por cuarto ano consecutivo, o programa 12 doces do outono. Trátase dunha aposta pola programación familiar, que xunta os espectaculos de artes escénicas coa gastronomía propia da estación. Como ven sendo habitual, as actividades desenvolveranse os domingos, en horario de mañá e tarde.
ESPAZOS CIDADÁNS
Aprobadas as bases do Rexistro municipal de demandantes de vivenda en alugueiro
O Goberno local vén de aprobar as bases que regularán a incorporación ao Rexistro municipal de demandantes de vivenda en alugueiro, que despois nutrirá o programa Aviva de axudas para a mobilización de vivendas baleiras. O prazo para inscribirse estará aberto ata o 30 de novembro.
CONSORCIO
Nenos e nenas de entre 5 e 14 anos xa poden inscribirse no curso de corda da Escola de Altos Estudos Musicais
A Escola de Altos Estudos Musicais (EAEM), en Santiago de Compostela, préstalle unha especial atención á formación musical dos máis pequenos e pequenas. Así, o centro pon en marcha unha nova edición do curso de corda para nenos e nenas, centrado nesta ocasión nas especialidades de violín e violoncello. As clases comezarán en novembro e prolongarase ata o mes de maio de 2019.