MEDIO AMBIENTE
Medio Ambiente convida a todos os centros escolares da cidade a visitar a exposición "Descubrindo o tempo"
A concelleira de Medio Ambiente, Elvira Cienfuegos, visitou a exposición Descubrindo o tempo, que se exhibe no CSC do Ensanche do 16 ao 30 de setembro. Coa concelleira visitaron a exposición un grupo de 25 rapaces de 3º de Primaria do colexio Peleteiro.
ALCALDÍA
A praza do Obradoiro acolleu unha concentración silenciosa en repulsa ao terrorismo
O asasinato en Santoña (Cantabria) do brigada do Exército Luis Conde de la Cruz levou á praza do Obradoiro ao alcalde e ao resto da Corporación Municipal para manifestar nunha concentración silenciosa a súa repulsa ao terrorismo. Algúns cidadáns anónimos uníronse a estes respectuosos cinco minutos de silencio, pechados cun prolongado aplauso.
EDUCACIÓN
Arrinca o curso na Escola Municipal de Música cunha oferta aberta a todas as inquedanzas musicais
A concelleira de Educación, Guadalupe Rodríguez, presentou o inicio do curso e o programa de actividades da Escola Municipal de Música. O acto inaugural celebrarase o 14 de outubro, ás 19:00 horas, no salón de audicións da Escola.
CULTURA
A Internacional representa "Frida" no Teatro Principal
Unha nova representación en torno á célebre pintora mexicana Frida Kahlo chega ao Teatro Principal da man da compañía A Internacional os días 23, 24 e 25 de setembro. Frida ofrece unha revisión escénica dos últimos momentos da artista, que tenta abrir unha reflexión xeral sobre a represión da muller na sociedade.
ALCALDÍA
Compostela recoñece a Stephen Hawking o seu labor para expandir as fronteiras do coñecemento humano
Stephen Hawking xa conta cunha placa conmemorativa da súa visita a Santiago no parque de San Lázaro. Nun breve acto foi descuberta esta placa, reflexo da admiración de todos a este científico exemplar, tanto dende o punto de vista humano como profesional.
ALCALDÍA
O Concello optará por unha EDAR con tecnoloxía de membranas pola súa maior calidade e menor impacto físico
O alcalde compostelán, Xosé A. Sánchez Bugallo, indicou que o Concello optará pola tecnoloxía de membranas para a futura estación depuradora de augas residuais (EDAR) e pola ubicación prevista. Este tipo de depuradora suporá un incremento no custo de 20 millóns de euros, pero outorgará un mellor produto e terá un menor impacto físico.
TRANSPORTES
Aluguer de bicicletas e transporte urbano gratuítos para celebrar a Semana Europea da Mobilidade
Con motivo da celebración da Semana Europea da Mobilidade, entre os días 16 e 22 de setembro, Santiago quere implicarse, como en anos anteriores, na promoción de hábitos saudables e respectuosos co medio ambiente. Por iso, o luns 22, facilitará o aluguer gratuíto de bicicletas e o uso, tamén de balde, do transporte urbano.
ALCALDÍA
Stephen Hawking recibirá o pergameo de Visitante Ilustre do Concello
O luns 22 de setembro comezan os actos previstos no marco da visita de Stephen Hawking a Santiago. En primeiro lugar, ás 16:30 horas, o científico británico achegarase ata o Parque de San Lázaro, ubicado a carón do Palacio de Congresos, onde descubrirá unha placa conmemorativa da súa visita. O acto estará presidido polo alcalde compostelán, Xosé A. Sánchez Bugallo.
CULTURA
As culturas do mundo conflúen a través do movemento na sexta edición do Move’m Cult & Danza
O Festival dos Ritmos do Mundo Move’m Cult & Danza chega á súa sexta edición. Do 26 de setembro ao 3 de outubro desenvolverase en Santiago esta iniciativa, que dende 2003 intenta abrir un espazo no que as diferentes culturas se divulguen a través do movemento, da arte ou de calquera forma de expresión próxima a todos.
PROMOCIÓN ECONÓMICA
Un grupo de apoio local traballará para fortalecer a participación das mulleres na vida social e económica
O concelleiro de Promoción Económica, Emprego, Comercio e Turismo, Xosé Manuel Iglesias, presentou o Grupo de Apoio Local do Proxecto Europeo WEED (Women, Enterprise, Employment in Local Development - Muller, Empresa e Emprego no Desenvolvemento Local). Este grupo ten como obxectivo, a través do intercambio de ideas e experiencias, definir unha metodoloxía que permita a transferencia de boas prácticas coa finalidade de fortalecer a participación activa das mulleres na vida social e económica.