Noticias

O Hotel Porta del Camino acolleu a V Gala do Deporte Compostelán. No acto entregáronse as Axudas aos Clubs Federados de Santiago de Compostela e os Premios Deporte e Vida nas Categoría de Saúde, Educación, Benestar e Non Violencia, así como o Premio Especial Deporte e Vida e os trofeos solidarios.

A concelleira de Rehabilitación e Cidade Histórica, Olga Pedreira, asistiu a unha xuntanza en Pontevedra na que se reuniron os responsables políticos das Oficinas de Rehabilitación de Vivenda das cidades de Pontevedra, Santiago, Vigo, A Coruña, Lugo, Ourense, Ferrol e Vilagarcía de Arousa. A xuntanza tiña como obxectivo falar do borrador de convenio remitido polo Instituto Galego da Vivenda e Solo para o financiamento das oficinas de rehabilitación (Portelo Único) que lles encomenda a xestión de todos os programas estatais...

O venres 26, ás 21:30 horas, no Teatro Principal, Odaiko Percussion Group presenta o seu novo traballo, Galician on Board. Segundo explicou a concelleira de Cultura e Centros Socioculturais, Socorro García Conde, o espectáculo forma parte da iniciativa de "ceder espazos para facilitar a presentación de últimos traballos", como é o caso do de Odaiko.

Despois de percorrer uns 120 quilómetros de diferentes tramos do Camiño de Santiago, chegaron á súa meta preto de 400 alumnos de entre 12 e 18 anos do IES Séneca de Córdoba, acompañados por docentes e pais. Esta expedición enmárcase no proxecto Ruta Xacobea 2010, posto en marcha pola Delegación de Educación da Junta de Andalucía.

Os días 12 e 13 de abril celebrarase en Santiago o III Foro de Reitores Hispano-Chino. Para preparar este encontro, está na cidade unha delegación chinesa, que foi recibida en Raxoi polos concelleiros de Educación, Mercedes Rosón, e de Relacións Institucionais, Andrés Fariña.

A concelleira da Cidade Histórica e Rehabilitación, Olga Pedreira, compareceu a petición propia no Pleno do Concello. A edil fixo referencia ás obras e traballos de reurbanización que se están a desenvolver en diferentes ámbitos da zona vella de Compostela.

O Pleno municipal aprobou inicialmente por unanimidade o regulamento de funcionamento do Servizo de Atención Domiciliaria e Comunitaria á Infancia. O obxectivo do cambio na norma existente ata agora é ampliar a atención domiciliaria a aquelas unidades de convivencia que presentan especiais dificultades na atención dos menores ao seu cargo.

O CEIP de Roxos-Villestro acolle a primeira CiberCaixa. Quedamos ao saír de clase, unha iniciativa de acollida para nenos e nenas de entre 3 e 12 anos que ofrece un contorno educativo non formal en horario extraescolar e en períodos de vacacións. Este proxecto, nacido da colaboración da Concellería de Educación coa Fundación "la Caixa", pretende axudar ás familias a conciliar a vida familiar e laboral.

A concelleira de Cultura e Centros Socioculturais, Socorro García Conde, e o responsable do programa, Modesto López de Sande, presentaron o programa de viaxes e excursións da Rede de Centros Socioculturais. Por sexto ano apóstase por organizar en rede estas actividades dirixidas a todos os públicos, nas que o ano pasado participaron máis de mil persoas.

O mércores 24 de marzo, Cristóbal Halffter, un dos mellores directores e compositores españois actuais, cumpre 80 anos e faino sobre o escenario do Auditorio de Galicia, en Santiago de Compostela, onde este días prepara o concerto da temporada do xoves 25 coa Real Filharmonía de Galicia.