EMPREGO
A Mesa polo Emprego aproba as actividades formativas para este exercicio, ás que se destinan 105.000 euros
A Mesa polo Emprego reuniuse esta mañá no Concello de Santiago para abordar diversas cuestións de interese en materia de empregabilidade para este ano 2018. A xuntanza estivo presidida pola concelleira de Igualdade, Desenvolvemento Económico e Turismo, Marta Lois, e contou coa asistencia de Cámara de Comercio, Asociación de Empresarios do Polígono do Tambre, Asociación de Empresarios de Hostalería de Santiago, Universidade de Santiago de Compostela, CCOO, UGT e Asociación Plataforma polo Emprego.
EDUCACIÓN E CIDADANÍA
Fonseca acolle ata o 30 de abril a exposición "Santiago, pintado", con ilustracións de Isabel Rey
O concelleiro de Educación e Cidadanía, Manuel Dios, presentou esta mañá a exposición Santiago pintado, que se pode ver en Fonseca dende o pasado 15 de marzo e ata o 30 de abril. Na rolda estiveron tamén a súa artífice, a pintora Isabel Rey; o director da Área de Cultura da USC, Pablo Sampedro, e a investigadora Natalia Conde.
ACCIÓN CULTURAL
Olalla Castro e Nicoleta Moise presentan na Zona C a intervención "De como non casar / How not get married"
Mañá mércores 21 de marzo, ás 19:30 horas, as artistas Olalla Castro e Nicoleta Moise presentan na Zona "C" a intervención de De como non casar / How not get married. Estarán acompañadas na inauguración pola concelleira de Acción Cultural, Branca Novoneyra. O acto é aberto ao público e non é preciso presentar invitación.
ALCALDÍA
O alcalde recibe os traballadores e traballadoras de Urxencias do CHUS
O alcalde recibiu esta mañá a representantes dos traballadores e traballadoras do servizo de Urxencias do Hospital Clínico de Santiago, que veñen denunciando as malas condicións neste departamento, que repercuten na atención aos doentes. Martiño Noriega quixo facer un chamamento público a que "se adopten medidas para que se mude a situación, que lle está a afectar a un servizo especialmente sensible".
CENTROS CÍVICOS
O CSC de Santa Marta programa diversas actividades literarias e escénicas do 21 de marzo ao 4 de abril
No Centro Sociocultural de Santa Marta queren celebrar a palabra. Por iso, con motivo do Día da Poesía e o Día do Monicreque (21 de marzo) e do Día do Teatro (27 de marzo), prepararon unha completa programación baixo o título "Expresarte", dirixido tanto a público infantil como adulto. Todas as actividades son de balde.
CONSORCIO
David Hill, un dos mellores organistas do mundo, dirixe esta semana a RFG e tocará varias obras ao órgano
A Real Filharmonía de Galicia ofrece esta semana dous concertos. O primeiro será o xoves 22 de marzo en Santiago, no Auditorio de Galicia, ás 20:30 horas, no marco da súa tempada de abono, e co que se abre o programa de actuacións do ciclo De lugares e órganos, que promove o Concello de Santiago. O venres a orquestra desprazarase a Ferrol, onde tocará no Auditorio Municipal da cidade, tamén ás 20:30 horas, dentro da programación da Sociedade Filharmónica Ferrolá.
ALCALDÍA
O alcalde participa na tradicional poxa das uñas de San Lázaro
O alcalde, Martiño Noriega, participou esta mañá na tradicional poxa das uñas de San Lázaro, acompañado polo concelleiro de Medio Ambiente e Convivencia, Xan Duro. O rexedor volveuse sumar así a esta festividade, da que o Concello é promotor por segundo ano consecutivo.
XUNTA DE GOBERNO
Aprobada a ficha para incorporar na EDUSI o acondicionamento do Castelo da Rocha Forte
A Xunta de Goberno acordou hoxe solicitar a inclusión do proxecto de acondicionamento interior do Castelo da Rocha na EDUSI, inclusión que deberá tramitar o Ministerio de Facenda. A actuación prevista está orzada en case 100.000 euros, dos que preto de 80.000 procederían de fondos europeos FEDER.
MEDIO AMBIENTE
O Goberno presenta unha proposta alternativa para a construción da nova EDAR
O Goberno local vaille remitir a Acuaes e a Augas de Galicia unha proposta alternativa para a construción da nova Estación Depuradora de Augas Residuais, despois de que o Pleno da Corporación rexeitara onte a aprobación do convenio da EDAR do Souto. O alcalde, Martiño Noriega, e o concelleiro de Medio Ambiente e Convivencia, Xan Duro, presentaron hoxe os detalles do proxecto, que aposta pola localización das instalacións na mesma parcela que acolle a actual depuradora da Silvouta. A proposta tamén lle foi facilitada esta...
DEPORTE
Compostela acollerá o Campionato Galego de Milla Urbana, que inclúe unha proba popular
A concelleira de Deporte, Noa Morales, presentou este venres a I Milla Urbana "Portas de Compostela", que se celebrará en Santiago o vindeiro 8 de abril. Na rolda tamén estiveron o presidente da Federación Galega de Atletismo, Isidoro Hornillos; o delegado desta Federación en Santiago, Iván Sanmartín; e o presidente do Club Atletismo Santiago, Alfonso López Menduiña.