Noticias

Presentouse o Equipo de Obras e Emprego Urbana Santiago Norte. No acto, presidido polo concelleiro de Promoción Económica e Emprego, Xosé Manuel Iglesias, estaban presentes 29 das 45 persoas que participarán no programa, a través do que se executarán obras de reparación e mantemento en beirarrúas en todos os barrios da zona Urbana Santiago Norte, e labores de limpeza e restauración do río Sarela ao seu paso entre o Romaño e Galeras.

O alcalde compostelán, Xosé A. Sánchez Bugallo, reuniuse en Raxoi co Comité Executivo da CEOE (Confederación Española de Organizaciones Empresariales).

Curtocircuíto, o Festival Internacional de Curtametraxes de Santiago de Compostela xa ten xurado para a súa Semana Oficial, do 23 ao 30 de Maio. Durante eses días, o festival outorgará os seus habituais premios ás curtas participantes na Sección Oficial.

Jazz, folk, bravú, canción de autor ou pop son algúns dos xéneros nos que se enmarcan as propostas dos sete grupos e artistas que van participar na cuarta edición do programa Revelando voces, unha iniciativa da Concellería de Cultura e Centros Socioculturais para potenciar os grupos e músicos novos da cidade.

Un ano máis, a Concellería de Normalización Lingüística colaborou na organización da Correlingua, a carreira escolar pola lingua. Milleiros de escolares déronse cita na praza do Obradoiro para vivir alí unha festa de reivindicación do idioma tras percorrer a pé as rúas do casco histórico de Compostela.

Un programa cultural intenso, con actividades destacadas de maxia, teatro, música e cine. Así vén o mes de maio en Compostela. O Festival Compostela Máxica, que seguirá ata o día 8, o concerto de Benjamin Biolay, o Centro Dramático Nacional con Platonov e unha nova edición do Curtocircuíto, desta vez do 23 ao 30 de maio, son os pratos fortes do programa cultural destes 31 días.

O concelleiro de Promoción Económica, Emprego, Comercio e Turismo, Xosé Manuel Iglesias, presentou o programa do segundo seminario internacional do proxecto WEED (Muller, Empreso e Emprego no Desenvolvemento Local), que se celebrará no Gran Hotel Santiago entre o 5 e o 7 de maio.

Logo do éxito acadado en edicións anteriores, varias igrexas da cidade histórica de Santiago acollerán a cuarta edición do Compostela Organum Festival, organizado polo Consorcio de Santiago e coa coordinación da Asociación Musical Berenguela. Este ano o festival conta co apoio financeiro da S. A. de Xestión do Xacobeo, que decidiu incluílo na súa programación xeral para este Ano Santo.

Despois do exitoso inicio do IV Festival Internacional Compostela Máxica 2010, o domingo 2 na praza do Obradoiro, co gran reto de Víctor Cerro, a semana máis máxica do ano na capital de Galicia comeza o luns 3 con forza. Compostela Máxica, organizado pola concellería de Cultura, consolídase xa como unha cita ineludible no calendario cultural da cidade.

Presentouse a IV Carreira Popular Solidaria Área empresarial do Tambre, organizada pola Fundación Compostela Deporte, a Asociación de Empresarios da Área Empresarial do Tambre, a delegación en Santiago da Federación Galega de Atletismo, a USC e o atleta compostelán Pedro Nimo. A carreira servirá para recadar fondos para o Proxecto Home e a Cociña Económica.