CULTURA
Andrea Motis & Joan Chamorro Group ofrecen un concerto dentro do Sons’14 Jazz
Dentro do ciclo Sons’14 hai este ano un apartado especial dedicado ao jazz que leva o nome de Sons’14 Jazz e que xa nos ofreceu un concerto dos composteláns Sumrrá o 25 de xaneiro. Agora, chegan Andrea Motis &Joan Chamorro Group, aos que poderemos escoitar este venres 8, desde as 21:00 horas, no Teatro Principal. As entradas para este concerto, a 15 euros (12 no anfiteatro) poden mercarse no despacho de billetes do propio Principal de 18:00 a 21:00 horas e en Novagalicia Banco (na web
SEGURIDADE CIDADÁ E BRIGADA
O temporal de choiva e vento do martes saldouse sen apenas incidencias
A concelleira de Tráfico e Seguridade Cidadá en funcións, Cecilia Sierra, e o edil responsable da Brigada de Vías e Obras, Juan de la Fuente, compareceron en rolda de prensa para informar das incidencias con motivo do temporal de choiva e vento deste martes. Sen apenas incidencias pechouse unha xornada na que unha vez máis se activou o operativo de emerxencias integrado por Policía Local, Bombeiros, Protección Civil, Brigada de Vías e Obras e as concesionarias Urbaser e Viaqua.
DESENVOLVEMENTO URBANO E SOSTIBLE
A Área de Desenvolvemento Urbano e Sostible estrea unha web con vocación de transparencia e de proximidade ao cidadán
A concelleira responsable de Desenvolvemento Urbano e Sostible, María Pardo, presentou a nova web desta área, dus.santiagodecompostela.gal, que recolle toda a información relativa aos diferentes departamentos que aglutina. En palabras da edil, esta web nace cunha vocación de transparencia, servizo, eficacia e achegamento ao cidadán.
CONSORCIO
O Consorcio intervirá na recuperación e rehabilitación do patrimonio cun orzamento global de algo máis de medio millón de euros
O Consorcio de Santiago celebrou a súa Comisión Executiva, presidida polo alcalde e presidente do Consorcio, Ángel Currás. Entre os temas abordados destaca a aprobación da convocatoria de subvencións e do Programa de Monumentos para este ano, e as bases que regulan o acceso ao Curso Avanzado de Especialización Orquestral para o curso académico 2014-2015.
FESTAS
Aberto o prazo de inscrición no desfile-concurso do martes de Antroido
Xa está aberto o prazo para inscribirse e participar no desfile-concurso do Antroido 2014, que terá lugar o martes 4 de marzo. Repartiranse 12.220 euros en premios, manténdose os importes dos anos anteriores. O concelleiro de Festas, Francisco Noya, presentou en rolda de prensa as bases deste desfile e do concurso infantil de disfraces.
CENTROS SOCIOCULTURAIS
A exposición fotográfica "Compostela Única" chega ao Centro Sociocultural de Vite
A exposición fotográfica Compostela Única, un retrato en imaxes anteriores a 1965, do Ateneo de Santiago, segue o seu percorrido polos centros socioculturais. Despois de pasar polo local da Rocha, onde estivo ata o 29 de xaneiro, a mostra chega ao Centro Sociocultural de Vite, no que estará aberta do 5 ao 26 de febreiro. Este mércores, ás 19:00 horas, o concelleiro de Centros Socioculturais, Francisco Noya, visitará a exposición e compartirá uns momentos cos veciños do barrio e representantes do Ateneo.
SEGURIDADE CIDADÁ
O Concello recomenda precaución ante a alerta por vento prevista para este martes
Ante a alerta emitida pola Dirección Xeral de Emerxencias e Interior por un episodio de fenómenos meteorolóxicos adversos para Galicia, o Concello de Santiago prega aos cidadáns extremen as precaucións na xornada de hoxe martes, 4 de febreiro. O Concello ten activados todos os seus servizos de emerxencias, coa participación de Policía Local, Bombeiros, Protección Civil, Brigada de Vías e Obras e as concesionarias Aquagest e Urbaser.
URBANISMO
O Concello substitúe os chanzos de madeira do parque das Cancelas por outros de granito
A concelleira de Urbanismo, María Pardo, deu conta da marcha das obras de substitución dos chanzos de madeira das escaleiras do parque das Cancelas por outros de granito. A actuación, executada no marco do Obradoiro de Emprego Santiago Impulsa II, inclúe tamén o acondicionamento de camiños. As obras estarán rematadas o 30 de abril.
EDUCACIÓN E URBANISMO
O remate das obras exteriores da ludoteca de Fontiñas permitirá ao fin contratar a súa xestión e abrir este equipamento
As concelleiras de Urbanismo, María Pardo, e de Educación, María Castelao, visitaron a ludoteca de Fontiñas, co obxecto de avaliar as obras de acondicionamento exterior realizadas. Esta actuación supuxo un investimento de 23.000 euros.
ALCALDÍA
Concello de Santiago e CESGA colaborarán en prol dunha cidade intelixente e da modernización dos servizos públicos
O alcalde compostelán, Ángel Currás, realizou unha visita institucional ás instalacións da Fundación Pública Galega Centro Tecnolóxico de Supercomputación de Galicia (CESGA). Acompañaron ao rexedor municipal nesta visita o presidente do CESGA e director da Axencia Galega de Innovación, Manuel Varela Rey, e o director xerente da Fundación, Javier García Tobío.