CENTROS CÍVICOS E MOCIDADE
O programa Vive o Verán e o Campamento de Vela, propostas do Concello para favorecer a conciliación no mes de xullo
O Concello de Santiago volve facer un gran esforzo para facilitar a conciliación familiar e laboral durante o verán, con iniciativas impulsadas dende diferentes concellarías. As responsables de Centros Cívicos e Mocidade, Concha Fernández e Noa Morales, presentaron hoxe algunhas das propostas organizadas polos seus departamentos e dirixidas a usuarios e usuarias de diferentes idades, entre as que destaca o programa Vive o Verán e o Campamento de Verán de Vela e Actividades Náuticas.
CENTROS CÍVICOS
Volta e Dálle representa "Dura Lex" en Santa Marta
O venres 1 de xuño, ás 19:00 horas, a compañía Volta de Dalle representará a obra Dura Lex no Centro Cívico de Santa Marta. O espectáculo propón unha crítica ao sistema xudicial vixente en clave de humor.
ACCIÓN CULTURAL
As actividades paralelas da SELIC comezan este xoves con paseos literarios por Compostela e proxeccións no Teatro Principal
A segunda edición da Semana do Libro de Compostela (SELIC) bota a andar con propostas literarias que se adiantan á inauguración oficial da feira o vindeiro venres e que conforman a PRE-SELIC. Así, na tarde do xoves 31, o escritor e xornalista Diego Ameixeiras conducirá o itinerario Compostela Negra, un paseo polos misterios desta cidade que lle serviu de escenario en novelas como Asasinato no Consello Nacional (Xerais, 2010) ou Conduce rápido (Xerais, 2014).
ALCALDÍA
Martiño Noriega participa no pleno de constitución da Comisión Organizadora do Xacobeo 2021
O alcalde, Martiño Noriega, participou esta mañá no pleno de constitución da Comisión Organizadora do Xacobeo 2021, celebrada na Cidade da Cultura e presidida por Alberto Núñez Feijóo. Na xuntanza fixouse o prazo de finais do verán para aprobar as liñas estratéxicas do Plan Xacobeo 2021.
ALCALDÍA
O Goberno volverá render contas diante da cidadanía na segunda quenda dos "Encontros ao vivo"
O Goberno local vai retomar no mes de xuño os Encontros ao vivo, os actos deseñados para que o alcalde e os concelleiros e concelleiras rendan contas en contacto directo coa veciñanza. Ao longo dos próximos meses celebraranse nove xuntanzas polos distintos barrios da cidade. Para as parroquias, desta vez deseñouse un formato propio, o Rural ao vivo.
CONVIVENCIA
O venres 1 de xuño ábrese o prazo de solicitude dos permisos para as cacharelas de San Xoán
O prazo para solicitar os permisos para a celebración das cacharelas e/ou sardiñadas de San Xoán estará aberto do 1 ao 15 de xuño. A documentación debe presentarse no Rexistro Xeral do Concello, se ben os particulares poderán facer a súa solicitude a través da páxina web municipal. O concelleiro de Medio Ambiente e Convivencia deu conta hoxe dos prazos e máis das normas de seguridade, aprobadas na Xunta de Goberno do pasado venres.
ALCALDÍA E POLÍTICAS SOCIAIS
O Museo do Pobo Galego acolle a exposición "Tecedoras do cambio", que nos achega a historia de 23 lideresas comunitarias
O alcalde de Santiago, Martiño Noriega; a vicepresidenta do Padroado do Museo do Pobo, Concepción Losada, e a vicepresidenta da Coordinadora Galega de ONGD, María Paz, asistiron hoxe á inauguración da exposición Tecedoras do cambio. Historias de lideresas comunitarias que loitan por unha vida digna en América Latina, África e Asia.
POLÍTICAS SOCIAIS
Área Central acolle unha nova edición do mercadiño solidario "Trócame-Roque"
A rede comunitaria de Fontiñas vén organizando dende o 2013 o mercadiño solidario Trócame-Roque, que este ano celebra a súa sexta edición cunha xornada chea de actividades que terá lugar o 1 de xuño en Área Central. A concelleira de Políticas Sociais, Diversidade, Saúde e Centros Cívicos, Concha Fernández, deu conta dos detalles deste mercado acompañada de representantes dos colectivos implicados.
EDUCACIÓN E CIDADANÍA
O Certame de Danza Intercentros encheu un ano máis o Auditorio de Galicia
O Auditorio de Galicia acolleu este domingo o XIII Certame de Danza Intercentros, Compostela en Danza, organizado pola Concellaría de Educación e Cidadanía. As familias das bailarinas e bailaríns participantes encheron o recinto para contemplar o froito do traballo escolar realizado ao longo do curso nesta disciplina artística. O concelleiro de Educación e Cidadanía, Manuel Dios, tampouco se quixo perder o certame.
IGUALDADE E MEDIO RURAL
Preto de 50 mulleres participaron nos obradoiros de empoderamento do rural
As parroquias de Busto, Lavacolla, Laraño, Aríns e Santa Cristina de Fecha acolleron durante os meses de marzo, abril e maio varias sesións do programa Vida Propia, posto en marcha en 2016 pola Concellaría de Igualdade en colaboración coa de Medio Rural para conmemorar o 8 de marzo, Día Internacional das Mulleres.