XUNTA DE GOBERNO
Iniciado o proceso para que a administración electrónica chegue ao Concello de Santiago
A Xunta de Goberno acordou hoxe iniciar o procedemento para a adquisición dunha solución de administración electrónica para o Concello de Santiago, na que se vai investir 1.860.000 euros. Os concelleiros Xan Duro e María Rozas deron conta dos detalles desta licitación, que ten como obxectivo lograr "unha modernización global da xestión municipal, baseada na eficacia, a eficiencia, a calidade, a innovación e a transparencia".
XUNTA DE GOBERNO
Bota a andar a EDUSI, a Estratexia de Desenvolvemento Urbano Sostible Integrado
A Xunta de Goberno deu hoxe un novo paso de cara á posta en marcha das accións incluídas na EDUSI, a Estratexia de Desenvolvemento Urbano Sostible Integrado. Foi coa aprobación do Manual de Procedementos para as operacións financiadas polos fondos FEDER, días despois de que a documentación presentada polo Concello de Santiago fora validada polo Ministerio de Facenda.
FACENDA
Remata o prazo para presentar propostas aos orzamentos participativos Compostela Decide
Hoxe venres ás 23:59 a plataforma decide.santiagodecompostela.gal pechará a fase de achegas de ideas para os orzamentos participativos Compostela Decide. Ata esa hora, calquera persoa con 16 anos cumpridos pode facer propostas de investimentos e de actividades aos orzamentos participativos (non é preciso estar empadroada ou empadroado para propoñer).