Noticias

A Concellería de Normalización Lingüística vén de lanzar unha campaña de dinamización lingüística dirixida á difusión de boas prácticas lingüísticas na Administración local. Leva como título A quen lle amarga un doce? Saborea o galego!.

O concelleiro de Promoción Económica e Emprego, Xosé Manuel Iglesias, presentou o Boletín sobre o mercado laboral de Santiago de Compostela. 2º semestre 2008. A publicación recolle, en catro apartados e 40 páxinas, as características da poboación activa e da poboación desempregada, os perfís de contratación, a actividade empresarial, a evolución do desemprego e os sectores de actividade con máis ofertas laborais.

O Goberno local aprobou as listas provisionais de admisión e de espera para as diferentes unidades das escolas infantís municipais de Conxo e Fontiñas.

O Auditorio de Galicia acollerá o 23 de maio, ás 19:30 horas, Compostela en danza. Será unha nova oportunidade de presenciar as habilidades coreográficas das alumnas e alumnos dos centros composteláns, con obras dos máis variados estilos.

O concelleiro de Xuventude, Xosé Baqueiro, visitou o IES Rosalía de Castro para o coñecer o desenvolvemento do InformaXove’09. Trátase dunha experiencia piloto na que ao longo da mañá grupos de estudantes dese centro (ESO e Bacharelato) participan en catro sesións de traballo dirixidas por profesionais de colectivos con experiencia nestes contidos.

O vicepresidente da Fundación Compostela Deporte e concelleiro de Deportes, Bernardino Rama, e o presidente do Club Ciclista Compostelano – Muebles Compostela, Nemesio López, presentaron os patrocinadores, maillots e trofeos da Volta Ciclista da Ascensión, que terá lugar do 21 ao 23 de maio para as categorías elite e sub-23. Tamén se deu a coñecer o portal electrónico da competición: www.voltaascension.com.

A Real Filharmonía de Galicia conmemora o segundo aniversario da morte de Haydn cun concerto monográfico do compositor vienés. Para a ocasión, a orquestra compostelá actuará baixo a batuta invitada de Juanjo Mena. O concerto celebrarase o mércores 20 de maio, ás 21:00 horas, no Auditorio de Galicia.

A Xunta de Goberno aprobou as normas de xestión dos permisos para as cacharelas de San Xoán. Estas mesmas normas faranse extensivas á celebración de cacharelas durante o mes de xuño, sexa a noite do 23 o calquera outro día. As solicitudes deberán presentarse antes das 14.00 horas do sábado 13 de xuño.

As Festas da Ascensión comezan o mércores 20 de maio cun programa de máis de 70 actividades que se estenderán ata o domingo-24 de maio. Serán cinco días de festa, frenéticos, con actividades a todas as horas do días. "Son unhas festas únicas, uns días pensados para que a xente de todas as idades poida gozar e vivir a Ascensión de Compostela, as festas da cidade", explica o concelleiro de Festas, Xosé Baqueiro.