ALCALDÍA
Caixanova e o Concello amosan nas rúas e prazas de Santiago "As Torres da Alhambra" de Cristóbal Gabarrón
Caixanova, en colaboración co Concello de Santiago de Compostela, presenta a exposición "AsTorres da Alhambra", unha mostra de esculturas do artista murciano Cristóbal Gabarrón que encherá de cor ata o día 9 de agosto diferentes prazas e rúas compostelás, como a Alameda, a Praza de Cervantes e a Praza do Toural, o contorno de San Francisco ou a Praza da Azabachería. O presidente de Caixanova, Julio Fernández Gayoso, o alcalde da cidade, Xosé Sánchez Bugallo, e o propio autor das pezas,...
MOBILIDADE
O corte de tráfico na rúa Fernando III El Santo manterase ata o xoves 16
Por mor das obras de construción do túnel do Hórreo, a rúa Fernando III El Santo, no tramo entre o Hórreo e a rúa da Rosa, está pechada ao tráfico desde o luns 6 de xullo. Esta restrición circulatoria manterase ata o xoves 16. Neste tempo estará prohibido o tráfico na rúa e unicamente se permitirá a entrada para os residentes e para a carga e descarga.
ALCALDÍA
O alcalde reúnese cos veciños para explicarlles os proxectos do Urbana Norte
O alcalde reuniuse en Raxoi con representantes das asociacións de veciños da zona incluída no ámbito do programa Urbana Santiago Norte, proxecto europeo cofinanciado polo FEDER. Á reunión asistiron, tamén a concelleira de Relacións Veciñais, Lupe Rodríguez Silva e máis o Coordinador do Proxecto, Fernando Martínez. O obxecto do encontro era facilitar aos representantes veciñais, información de primeira man sobre os avances na execución do programa Urbana Santiago Norte, así como...
COMERCIO
O alcalde asiste á inauguración dunha lavandería industrial pioneira no Polígono do Tambre
O novo centro do grupo de empresas da Fundación ONCE é pioneiro en lavado de roupa laboral. Conta cun investimento de 7,7 millóns de euros e prevé acadar unha plantilla de 80 persoas nos vindeiros tres anos.
URBANISMO
María Carneiro será a nova xerente de Emuvissa
A candidata seleccionada xestionou unha sociedade análoga no Concello de Lugo e foi xerente de Urbanismo no Concello de Ferrol. A elección realizouse mediante concurso público e a convocatoria contou con seis aspirantes, cuxos méritos foron valorados pola comisión de selección encargada deste cometido e na que estiveron representados os tres grupos políticos.
ALCALDÍA
A Fundación Caixa Galicia e o Concello de Santiago de Compostela asinan un convenio cultural de 510.000 euros
O alcalde compostelán, Xosé A. Sánchez Bugallo, e o director xeral de Caixa Galicia, José Luis Méndez, asinaron hoxe no Pazo de Raxoi un convenio de colaboración entre a Fundación Caixa Galicia e o Concello para a realización de diferentes actividades culturais.
ALCALDÍA
O grupo parlamentario socialista reúnese co alcalde para falar das prioridades da cidade
O voceiro do grupo parlamentario socialista, Xoaquín Fernández Leiceaga, acompañado dos deputados Manuel Lage Tuñas e Modesto Pose, mantivo hoxe co alcalde, Xosé A. Sánchez Bugallo unha reunión de traballo na Casa do Concello.
CULTURA
Compostela viaxa ao século XX con 'Exxpopress'
A concelleira de Cultura e Centros Socioculturais, Socorro García Conde, inaugurou na mañá de hoxe no CSC das Fontiñas unha mostra única en Galicia, dedicada ao século XX e formada por centos de xornais e revistas que recollen nas súas portadas os principais acontecementos históricos da pasada centuria. A exposición permanecerá aberta ata o 28 de agosto.
FESTAS
O monologuista galego Rober Bodegas fará o pregón do Apóstolo deste ano
O concelleiro de Festas de Santiago de Compostela, Xosé Baqueiro, anunciou esta tarde o nome do pregoeiro do Apóstolo 2009, que será o monologuista galego Rober Bodegas, coñecido pola súa participación no programa de TVE El Rey de la Comedia e que actualmente colabora no magazine de La Sexta, Sé lo que hicisteis.
MEDIO AMBIENTE
O barrio de Vidán conta xa cunha nova área recreativa e de lecer
Esta tarde o alcalde compostelán, Xosé A. Sánchez Bugallo, inaugurou a nova área recreativa situada barrio de Vidán, acompañado pola concelleira de Medio Ambiente, Elvira Cienfuegos. As obras foron impulsadas por esta concellería e financiadas no marco dos fondos FIL. A nova área conta cunha superficie total de 1.355 metros cadrados e está situada no entorno da igrexa parroquial.