Noticias

O vindeiro luns 12 de setembro, o presidente da Xunta de Galicia, Emilio Pérez Touriño, recibirá ao alcalde compostelán, Xosé A. Sánchez Bugallo, para abordar "os grandes temas da cidade", segundo anunciou o rexedor da cidade.

O concelleiro de Transportes, Xaquín Leiceaga, anunciou que non hai moitos cambious nin se introduciron modificacións arbitrarias porque podería afectar ao uso e porque, actulamente, está aberto o proceso de elección da empresa pública que levará este servizo.

O 14 de setembro inaugúrase a exposición "Revelación profana", do grupo surrealista de Leeds, que permanecerá aberta ata o 17 de outubro. Esta mostra forma parte do ciclo de surrealismo internacional co que a Fundación pretende constatar a vixencia do corpus estético do Surrealismo, non só a nivel galego e estatal, senón tamén a nivel internacional.

A Rede de Centros Socioculturais de Santiago programa para os días 9, 10 e 11 de setembro unha viaxe por Cantabria destinada a familias con nenos pequenos e adolescentes.

O alcalde compostelán, Xosé A. Sánchez Bugallo, recibiu o xoves 8 de setembro a visita de Santiago Carrillo, ex secretario xeral do Partido Comunista de España (PCE), que se atopa en Galicia debido á homenaxe que recibirá o venres 9 en Ferrol, organizada pola Asociación Cultural Fuco Buxán e a Fundación 10 de Marzo de CC.OO.

O alcalde de Santiago, Xosé A. Sánchez Bugallo, recibiu o mércores 7 de setembro á Presidenta da Asociación da Viúvas de Santiago, Pastora Nieto.

O alcalde de Santiago de Compostela, Xosé A. Sánchez Bugallo, asistiu na Praza do Obradoiro á presentación dos novos autobuses da empresa Monbús-Castromil, acto no que tamén estivo presente o presidente da Xunta de Galicia, Emilio Pérez Touriño.

Turismo de Santiago emprenderá este outono accións de comercialización turística que ‘venderán’ a imaxe da cidade por vez primeira en mercados como China e Xapón, e afianzará a súa posición noutros mercados máis maduros, como Alemaña e o Reino Unido, coa colaboración de Turespaña, Turgalicia e o grupo Cidades Patrimonio da Humanidade Españolas.

As estatísticas turísticas de agosto, presentadas polo concelleiro Francisco Candela, confirman as expectativas formuladas a principios de ano: os indicadores de actividade son claramente superiores aos de 2003, cun alto compoñente de turismo estranxeiro que contribúe ao crecemento e auxe do sector.

O departamento de Deportes abriu desde o luns 5 de setembro e ata o vindeiro 16 de setembro o prazo para pedir o uso das instalacións dos Pavillóns Municipais, do Campo de Fútbol das Cancelas e das Pistas de Atletismo do Estadio de San Lázaro para o periodo comprendido entre o 1 de outubro de 2005 e o 30 de xuño de 2006.