ALCALDÍA
Máis de 1.000 persoas reuniranse en Compostela no XII Congreso da Confederación Española de Transporte de Mercancías
O presidente e o secretario xeral da Confederación Española de Transporte de Mercancías (CETM), Marcos Montero e Miguel Valverde Jiménez, pasaron pola Casa do Concello, onde se reuniron co alcalde Sánchez Bugallo. Anunciáronlle que, en setembro de 2008, Santiago acollerá o XII Congreso da entidade.
PARQUES E XARDÍNS
O Parque da Constitución incorpora novos espazos deportivos e para os maiores
Tras a área de xogos infantís inaugurada hai uns meses, o Parque da Constitución incorpora agora novos elementos para todas as idades. Trátase dun circuíto biosaudable, outro destinado especificamente aos maiores e espazos concretos para a mocidade.
CULTURA
Compostela celebrará tamén o Día do Orgullo LGBT
O sábado 7 de xullo, Compostela acollerá os actos de celebración do Día do Orgullo LGBT. Baixo o lema "Vive e deixa vivir", as prazas e rúas da cidade acollerán diversas convocatorias que pretenden ser lúdicas e reivindicativas ao mesmo tempo.
CONSORCIO
O Consorcio e a USC poñen en marcha o "Proxecto URBE"
Co nome de "Proxecto URBE", o Consorcio de Santiago e a Universidade presentaron unha iniciativa que consiste na sistematización das fontes documentais compostelás para posteriormente facelas accesibles a través de Internet. Isto posibilitará o inventariado, catalogación e dixitalización destes materiais, de interese para a historia da cidade, e facilitará a súa consulta "on line" para investigación e divulgación.
ALCALDÍA
O Camiño, percorrido de convivencia
O alcalde compostelán, Xosé A. Sánchez Bugallo, recibiu a 100 escolares que están a participar dende o 27 de xuño no espazo de aventura "Camiño de Encontros", unha actividade organizada pola Obra Social de Caja Laboral. Esta iniciativa ten como as súas dúas grandes referencias a convivencia entre os mozos e a ruta do Camiño de Santiago.
PROMOCIÓN ECONÓMICA
O programa de apoio á eliminación de barreiras atendeu máis de cen servizos dende o seu inicio
O Programa de apoio á eliminación de barreiras á inserción socio-laboral, que está a desenvolver de xeito gratuíto a Concellaría de Promoción Económica e Emprego, atendeu 111 servizos dende que comezou a funcionar, o 15 de xaneiro. Neste tempo, as seis mulleres contratadas a través do programa realizaron 1.142 horas de servizo, botando unha media de catro horas con cada usuario.
DEPORTES
Unha delegación de 89 participantes representará a Compostela nos VII Xogos do Eixo Atlántico
O concelleiro de Deportes, Andrés Fariña, informou da participación do Concello de Santiago de Compostela nos VII Xogos do Eixo Atlántico, que se celebrarán na cidade de Vila Nova de Gaia (Portugal) do 9 ao 14 de xullo. A delegación santiaguesa estará composta por 92 participantes, entre adestradores e deportistas.
PROMOCIÓN ECONÓMICA
Compostela Activa conta xa co seu microespazo web
O Concelleiro de Promoción Económica, Xosé Manuel Iglesias, presentou o microespazo de Compostela Activa, que se pode consultar na páxina web da Concellaría: www.maiscompostela.org. Un dos obxectivos do programa é fomentar a cultura emprendedora en Santiago, cubrindo dun xeito integral as diferentes etapas polas que pasa unha persoa emprendedora dende que ten a súa idea de negocio ata que constitúe a empresa. Todas esas etapas están plasmadas no microsite.
ALCALDÍA
A presidenta do Parlamento, Dolores Villarino, será a Delegada Rexia na Ofrenda do Apóstolo
O xefe da Casa Real, Alberto Aza Arias, comunicou ao alcalde compostelán, Xosé A. Sánchez Bugallo, a designación por parte de S.M El Rey da presidenta do Parlamento de Galicia, Dolores Villarino Santiago, como Delegada Rexia nos actos da tradicional Ofrenda ao Apóstolo, que se desenvolverán o 25 de xullo na Catedral de Santiago.
ALCALDÍA
O Concello de Santiago colabora con Don Bosco na realización de programas educativos de tempo libre
O alcalde de Santiago de Compostela, Xosé A. Sánchez Bugallo, e o xerente da Escola de tempo libre e animación sociocultural Don Bosco, Francisco Rodríguez Míguez, asinaron un convenio para o desenvolvemento de proxectos de intervención educativa de carácter social e de integración no tempo libre. O Concello achega a cantidade de 2.500 euros.