POLÍTICAS SOCIAIS
A Fundación Granell acolle dende este venres e ata o 14 de outubro a exposición "Vexo ao meu xeito"
Este venres tivo lugar o acto de inauguración dun proxecto fotográfico que leva por título Vexo ao meu xeito, para sensibilizar e visibilizar a discapacidade visual. Na inauguración estivo a edila de Políticas Sociais, Diversidade e Saúde, Concha Fernández, acompañada de Matías Sánchez e Mateo Liébana, autores do proxecto fotográfico, e de Lourdes Díaz, presidenta da Asociación Tiresias Galicia.
CONVIVENCIA
A Policía Local controlará as distraccións ao volante do 17 ao 23 de setembro
A Policía Local súmase a unha nova campaña especial de vixilancia da Dirección Xeral de Tráfico. Así, do 17 ao 23 de setembro, realizaranse controis sobre as distraccións na condución.
XUNTA DE GOBERNO
Aprobado o convenio de cesión da parcela municipal da futura residencia de maiores de Fontiñas
A Xunta de Goberno aprobou hoxe o convenio de cesión á Xunta dunha parcela de titularidade municipal de Fontiñas para a construción dunha residencia de persoas maiores. O alcalde, Martiño Noriega, adiantou que a sinatura do acordo está prevista para o próximo luns.
EDUCACIÓN E CIDADANÍA
Inaugurado o Congreso Internacional de Altas Capacidades que se celebra en España
O concelleiro de Educación e Cidadanía, Manuel Dios, asistiu á inauguración do I Congreso Internacional Noroeste de Altas Capacidades, que se celebra en Compostela do 14 ao 16 de setembro.
CONSORCIO
A Real Filharmonía de Galicia ofrece este sábado un concerto gratuíto ao aire libre na Praza de Abastos
A Real Filharmonía de Galicia ten entre as súas prioridades achegar a orquestra e a música clásica a toda a cidadanía. Así, ao longo desta temporada están previstas unha serie de actuacións na rúa e noutros espazos diferentes á sede da orquestra, o Auditorio de Galicia. Nesta liña, a RFG iniciou esta semana un ciclo de concertos gratuítos, na súa maioría ao aire libre, en barrios emblemáticos da cidade, todos eles baixo a batuta do xove mestre polaco Jan Wierzba.
FACENDA
Xuntanza da Mesa de Propostas para ponderar as propostas finalistas dos Orzamentos Participativos
A Mesa de Propostas dos Orzamentos Participativos Compostela Decide reunirase a próxima semana para estudar e valorar as propostas de actividades e investimentos que pasaron a fase de avaliación técnica, e que se someterán a votación na última fase do proceso. As citas serán o martes 18 e o mércores 19 de setembro, ás 19:30 horas, na Casa das Asociacións, en Cornes.
ALCALDÍA
O VI Congreso de Investigación e Innovación en Enfermidades Neurodexenerativas reunirá en Santiago máis dun centenar de expertos internacionais
Coincidindo coa semana en que se celebra o Día Mundial do Alzheimer, S.M. a Raíña Dona Sofía presidirá este 19 de setembro en Santiago de Compostela a apertura do VI Congreso de Investigación e Innovación en Enfermidades Neurodexenerativas – CIIIEN, que durante tres intensas xornadas de relatorios e intercambios de coñecementos reunirá máis dun centenar de expertos internacionais. O Congreso celebrarase na Facultade de Medicina da Universidade de Santiago, cuxo auditorio acollerá o acto inaugural e as...
XUNTA DE GOBERNO
Abre o prazo de inscrición no plan "Impulsa", para persoas mozas desempregadas
A Xunta de Goberno aprobou hoxe o procedemento para a selección das persoas participantes no programa "Impulsa", que permitirá mellorar a empregabilidade de 85 mozos e mozas no sector das Tecnoloxías da Información e da Comunicación. As persoas interesadas en participar nas probas de selección deberán inscribirse na web da Axencia Local de Colocación.
XUNTA DE GOBERNO
O Goberno local inicia a declaración de lesividade do prego da licitación da Escola Municipal de Música
O Goberno local está a estudar todas as opcións para garantir a estabilidade da Escola Municipal de Música a longo prazo, "mantendo o compromiso da estabilidade do persoal e da pervivencia do actual modelo educativo". O alcalde, Martiño Noriega, explicou que a Xunta de Goberno vén de "suspender temporalmente o procedemento de licitación do servizo e de iniciar a declaración de lesividade do prego de condicións do concurso, ao entender que puido haber un erro de cálculo no estudo económico que motivou a...
ALCALDÍA
A veciñanza de Vista Alegre e O Romaño expón as súas demandas ao Goberno nun novo encontro "Ao vivo"
O alcalde e todos concelleiros e concelleiras do grupo de Goberno mantiveron hoxe o primeiro encontro "Ao vivo" do novo curso, desta vez no Centro Cívico de Vista Alegre-Romaño, coa veciñanza destes barrios. A cidadanía expresou as súas demandas, relacionadas fundamentalmente co mantemento, a conservación das zonas verdes e a dotación de parques infantís.