ALCALDÍA
Sánchez Bugallo considera "extremadamente importante e urxente" a posta en valor dos edificios xa existentes da Cidade da Cultura
O alcalde compostelán, Xosé A. Sánchez Bugallo, cualificou como "extremadamente importante e urxente" a posta en valor dos edificios xa existentes da Cidade da Cultura. Por ese motivo, valorou o compromiso da Xunta, manifestado esta semana, de por en marcha os catro edificios actuais en 2009.
MEDIO AMBIENTE
A nova depuradora licitarase en 2007
O alcalde compostelán felicitouse polo compromiso manifestado polo Ministerio de Medio Ambiente para que o proxecto e a obra da nova depuradora sexa licitada en 2007. Este compromiso, ratificado ante o Congreso dos Deputados, contempla un prazo de execución de dous anos.
ORZAMENTOS
O orzamento municipal para o vindeiro ano ascenderá finalmente a 114 millóns de euros
Unha Xunta de Goberno extraordinaria aprobará o xoves 21 de decembro os orzamentos municipais de 2007, que finalmente ascenderán a 114 millóns de euros, tras incluírse nos mesmos os ingresos de seis millóns de euros da operación do Sunp-4 do Camiño Francés. Así o anunciou o alcalde compostelán, que recordou que os presupostos irán ao Pleno do xoves 28.
EMIGRACIÓN E INMIGRACIÓN
Os nenos e nenas dos colexios composteláns celebrarán o Día das Migracións
Con motivo da celebración do Día Internacional das Migracións, o luns día 18, a Concellaría de Emigración e Inmigración organiza unha marcha na que participarán nenos e nenas de 13 colexios composteláns e que estará encabeza por rapaces dos distintos continentes que viven en Santiago.
PROMOCIÓN ECONÓMICA
Convenio para o aproveitamento da enerxía solar no CERSIA
O director do Instituto Enerxético de Galicia, Xoán Ramón Doldán García, e o Concelleiro de Promoción Económica e Emprego, Xosé Manuel Iglesias, asinaron o convenio de colaboración para o desenvolvemento dun proxecto de integración e aproveitamento da enerxía solar no Centro de Recursos e Servizos Integrais de Apio á Empresa (CERSIA).
URBANISMO
Os orzamentos de EMUVISSA para 2007 contemplan as novas obras de urbanización en cinco polígonos de vivenda protexida
A Empresa Municipal de Vivenda e Solo (EMUVISSA) aprobou o seu orzamento para 2007, que ascende a 59.868 euros, o que supón un incremento dun 2,58% respecto ao ano anterior. Dentro destas contas contémplanse as obras de urbanización a comezar nos polígonos de vivenda protexida Sunp-11 (Castiñeiriño), Sunp-12 (Lamas de Abade), Sunp-14 (Tras Paxonal), Sup-7 (Ponte Pedriña) e Sunp-5 (A Muíña).
ALCALDÍA
O alcalde recibiu aos participantes no I Encontro Internacional de Escritores "De pedra e de palabra"
O I Encontro Internacional de Escritores "De pedra e de palabra" celebrou a súa segunda xornada. Despois de participar nun debate sobre o "Posible perfil do lector do século XXI e de asistir ao "Espectáculo da palabra", os escritores desprazáronse ata Raxoi, onde foron recibidos polo alcalde, Xosé A. Sánchez Bugallo.
TURISMO
Turismo de Santiago aproba unhas contas de máis de 3 millóns e medio de euros para o 2007
O Consello de Administración da empresa municipal Turismo de Santiago-Incolsa aprobou un orzamento de máis de 3 millóns e medio de euros para o exercicio do ano 2007, dos que o Concello de Santiago aportará un 28 por cento. O resto procederá de convenios e dos ingresos propios, que crecerán un 168 por cento.
ALCALDÍA
Recepción aos traballadores de Aquagest, Cespa, Xade e Urbaser
Os traballadores das empresas concesionarias Aquagest Cespa, Xade foron recibidos na Casa do Concello polo alcalde compostelán, Xosé A. Sánchez Bugallo, quen lles desexou un feliz Nadal e lles agradeceu o traballo realizado ao longo do ano que remata.
ALCALDÍA
Parabéns a Compostela Monumental pola concesión do Premio Nacional ao Pequeno Comercio
O alcalde compostelán recibiu en Raxoi ao presidente e á xunta directiva de Compostela Monumental, con motivo da concesión do Premio Nacional ao Pequeno Comercio. Sánchez Bugallo reiteroulles ás felicitacións xa manifestadas ao coñecer o outorgamento desta distinción. Tamén participaron recibiron os parabéns da concelleira de Casco Histórico, Mercedes Rosón; e do concelleiro de Promoción Económica, Xosé Manuel Iglesias.