Noticias

Dous bloques de cen vivendas de Vista Alegre serán reformados este mesmo ano. Este é o primeiro dos obxectivos do proxecto de rehabilitación integral do que se beneficiará este barrio, segundo anunciou o alcalde de Santiago, Xosé A. Sánchez Bugallo.

Dentro do ciclo "Sons da Diversidade", chega dende Mali Toumani Diabaté. Cun estilo que el mesmo define como "jazz-jugalbandi-griot", dará a coñecer en Santiago a cora, unha variante de arpa con 21 cordas propia da tradición de África occidental.

No transcurso da súa primeira xornada de visita institucional en Bos Aires, Xosé A. Sánchez Bugallo, asinará un convenio coa Fundación Españois do Mundo de Arxentina. Trátase do primeiro dos catro convenios que o alcalde compostelán e presidente da Mancomunidade de Santiago subscribirá durante a súa viaxe e dos que se beneficiarán os emigrantes e descencendentes de emigrantes de Compostela e do seu contorno.

O alcalde de Santiago, Xosé A. Sánchez Bugallo, emprende unha visita institucional a Arxentina e Uruguai, na que manterá xuntanzas con colectivos composteláns e da mancomunidade e asinará diversos convenios. Acompáñano nesta viaxe, do 28 de abril ao 5 de maio, a concelleira de Emigración e Inmigración, Teresa Regúlez, o alcalde de Ames, Carlos Fernández, e o de Brión, Xosé Luis García.

O Spain Convention Bureau, órgano da Federación Española de Municipios y Provincias presidido polo concelleiro de Turismo compostelán, Francisco Candela, celebrou en Cuenca a súa asemblea anual de 2006.

O Auditorio de Galicia acolle o sábado 29, ás 21:00 horas, a presentación da Federación Galega de Bandas de Música Populares, nun evento organizado pola Federación Galega de Bandas de Música Populares e a Asociación Cultural-Musical Solfa. A actuación foi presentada nunha rolda de prensa na que participaron, entre outros, o concelleiro de Cultura, Néstor Rego; o presidente da FGBMP, Emilio Vázquez, e a presidenta de Solfa, Lucía Carreira.

O Pleno do Concello de Santiago aprobou o proxecto do Regulamento do Consello Municipal de Migracións. O obxectivo desta norma é garantir o dereito á participación na vida municipal dos cidadáns e cidadás de Compostela, de tal xeito que se atenda ás características específicas do colectivo de persoas inmigrantes, emigrantes retornados e emigrantes.

O alcalde compostelán e presidente do Eixo Atlántico, Xosé A. Sánchez Bugallo, e o vicepresidente da Igualdade e do Benestar, Anxo Quintana, asinaron o pasado 26 de abril, un convenio de colaboración para promover actividades dirixidas á xuventude da eurorrexión Galicia-Norte de Portugal.

O alcalde de Santiago de Compostela, Xosé A. Sánchez Bugallo e a concelleira de Benestar Social, Adelaida Negreira, acompañaron aos máis de cen participantes no inicio dun obradoiro de identificación de oportunidades, ameazas e estratexias que o proxecto de "Lei de autonomía persoal e dependencia" presenta ao terceiro sector. Este encontro reune na EGAP a entidades de acción social de Compostela.

O alcalde de Santiago, Xosé A. Sánchez Bugallo, en calidade de presidente do Eixo Atlántico do Noroeste Peninsular, e o vicepresidente da Igualdade e do Benestar da Xunta de Galicia, Anxo Quíntana, asinaron un convenio de colaboración para o desenvolvemento de actividades no ámbito da xuventude durante o presente ano.