Noticias

Por quinto ano consecutivo ponse en marcha a Escola de Verán na súa edición de setembro. Do luns 4 ao venres 8 de setembro celebraranse as actividades deste programa, organizado polo Departamento de Educación e Mocidade, en colaboración con diversas asociación da cidade, como Don Bosco, Asociación Galega para a Defensa Ecolóxica de Galiza (ADEGA) ou Asociación Xuvenil de Cruz Vermella, entre outros.

A Concellaría de Promoción Económica pon en marcha, o sábado 2 de setembro, un servizo de atención e coidado para os fillos dos clientes que fagan as súas compras nos comercios da cidade. Deste xeito, os pais poderán visitar tranquilamente os establecementos mentres os rapaces xogan e se divirten baixo a supervisión de coidadoras especializadas en atención á infancia.

Trala realización da parte práctica do programa de formación de restauradores, iniciado o pasado 21 de agosto no Centro Mestre Mateo, deu comezo un ciclo de conferencias, que foi inaugurado polo alcalde e presidente do Consorcio de Santiago, Xosé A. Sánchez Bugallo, coa participación de máis de corenta restauradores.

O parque de Bonaval será o escenario escollido esta vez para unha nova sesión de proxeccións de CurtoCircuíto na Rúa. O xoves 31 poderase ver o mellor do panorama español de ficción, acompañado da música de Blue Mouse.

As actuacións de Riscadela e de Alvariza o xoves 31 poñen fin a unha nova edición de Música na Rúa. Foron doce xornadas ao longo do mes de agosto nas que veciños e turistas puideron gozar en directo dos ritmos máis tradicionais de Galicia.

Os lumes que sufriu o Concello de Santiago neste mes de agosto xeraron cuantiosos gastos aos que agora teñen que facer fronte as arcas municipais. Con este motivo, o próximo luns, 4 de setembro, convocarase un pleno extraordinario e fixarase a súa data de celebración, que podería ser nesa mesma semana

Durante este verán, os turistas que chegan a Compostela están a descubrir máis polo miúdo os conventos da cidade. As visitas específicas programadas por Turismo de Santiago e a exposición "Intramuros", promovida polo Consorcio, están a facilitar este coñecemento exhaustivo.

Música na Rúa achégase ao seu fin. Na súa penúltima xornada, o mércores 30, trae as actuacións da Colexiata do Sar e de Pablo Seoane. As actuacións terán lugar nas prazas de Praterías e Mazarelos, respectivamente, ás 20:30 e 21:30 horas.

Nestes días os cidadáns están recibindo nas súas casas unha nova edición de "Santiago de Compostela", a publicación de información municipal. O número de verán ten como principal tema de análise a rehabilitación dos polígonos de vivendas de Vista Alegre e Pontepedriña.

O Auditorio de Galicia acollerá entre os días 25 e 27 de setembro próximos un encontro no que participarán representantes de sociedades mercantís da cidade e de empresas latinoamericanas. O obxectivo é facilitar o investimento en Santiago de Compostela de empresas de capital foráneo, e en especial as procedentes de países cos que mantemos especiais vínculos de relación a tódolos niveis.