Noticias

O departamento de Centros Socio Culturais fixo público o resultado do concurso de beléns e de decoración de Nadal convocado dentro da súa rede de equipamentos. Este ano foron 11 os centros que se presentaron.

"Informaciones de las monjas que habitaron en el Monasterio de San Paio de Antealtares de Santiago de Compostela desde 1499 á 1899" é o título do libro dunha nova publicación do Consorcio de Santiago, obra de Madre María Mercedes Buján Rodríguez, gran coñecedora dun dos arquivos más ricos da cidade. Nel presenta a orixe, a vida e a linaxe das monxas que pasaron por este mosteiro, moitas das cales pertenceron ás máis nobres familias da fidalguía galega do momento.

O alcalde compostelán, Xosé A. Sánchez Bugallo, asinou na Casa do Concello un convenio de colaboración con Emilio-Damián Penas Gerpe, en representación da sociedade mercantil Santiago Sur.

Representantes do Club Deportivo Belvís, do Centro Xuvenil Don Bosco, do San Pedro Fútbol Club e das asociacións de veciños "A Xuntanza" e "Amigos de San Pedro" acudiron a Raxoi para manter unha xuntanza co alcalde, Xosé A. Sánchez Bugallo.

A compañía Berrobambán presenta a obra de teatro escolar "Buh!¿quen non pasou unha noite de medo?", á que poderán asistir os nenos composteláns durante nove días de xaneiro. Unha proposta para que os rapaces de primaria xoguen co medo e fagan del unha ferramenta positiva.

A Chocolataría pechou as súas portas o 31 de decembro, coa exposición "Habana Factory". Agora esta mostra queda recollida nun catálogo, que amosa as sete propostas presentadas en Santiago e elaboradas na súa maior parte no propio espazo da antiga fábrica.

O alcalde compostelán, Xosé A. Sánchez Bugallo, recibiu en Raxoi á vicepresidenta da Confederación Galega de Asociacións de Pais de Alumnos (CONGAPA), Paz de Bescansa.

Tal como anunciara o alcalde, Xosé A. Sánchez Bugallo, a Xunta de Goberno local aprobou inicialmente o Plan especial do equipamento docente no Monte Redondo (D-19), do Colexio Manuel Peleteiro. Nestes terreos, entre a estrada C-541 (Santiago- A Estrada) e a autovía de Santiago a Ourense, construiranse unhas instalacións que custarán 21 millóns de euros e estarán listas, previsiblemente, para os primeiros meses de 2009.

A Xunta de Goberno local aprobou o convenio de colaboración entre a consellería de Medio Ambiente, a Empresa Pública de Obras e Servizos Hidráulicos e o Concello de Santiago para a execución de diversas obras de saneamento, depuración de augas residuais e abastecemento de auga en diferentes lugares e parroquias de Santiago. Esta actuación conta cun orzamento de 1.051.630 euros.

O concelleiro de Infraestruturas, Bernardino Rama, anunciou a aprobación do proxecto e do prego de cláusulas para as obras de reurbanización da Rúa Nova de Abaixo. Esta actuación, que seguirá o modelo estético e funcional das últimas rúas reformadas no Ensanche, suporá un investimento de 997.318 euros.