FESTAS
A iluminación de Nadal acenderase o 30 de novembro, con máis rúas decoradas e elementos máis modernos
A iluminación de Nadal chegará este ano a novas rúas de Compostela e incrementará o número de elementos nas zonas que xa viñan sendo decoradas. Explicouno hoxe a concelleira de Acción Cultural, Branca Novoneyra, que reiterou que a iluminación, que xa está sendo colocada desde hai uns días, estará acendida desde o 30 de novembro ata o 7 de xaneiro. A edil lembrou que o Concello "apostou por incrementar sensiblemente o orzamento destinado á iluminación durante as Festas, respondendo ás...
IGUALDADE
O Concello de Santiago clama por unha sociedade sen violencias machistas
O Teatro Principal acolleu este venres o acto central polo 25 de novembro, Día Internacional para a Eliminación da Violencia contra as Mulleres, dentro da campaña Compostela en negro. No acto participaron o alcalde de Santiago, Martiño Noriega; a concelleira de Igualdade, Marta Lois; a escritora Rosa Aneiros, varios membros da Corporación e algúns institutos de Compostela.
ACCIÓN CULTURAL
Cineuropa acolle a preestrea oficial de "A estación violenta", de Anxos Fazáns, e tínguese de negro contra a violencia
A agardada preestrea de A estación violenta, de aforo completo dende o xoves, terá lugar ás 20:30 horas deste sábado no Teatro Principal. A ópera prima da pontevedresa Anxos Fazáns, que asina o guión en colaboración con Ángel Santos, Xacobe Casas e Daniel Froiz, é unha adaptación libre da novela homónima de Manuel Jabois.
ALCALDÍA
Presentada en Madrid a demanda para esixir a devolución das esculturas do Mestre Mateo
O alcalde de Santiago confirmou hoxe que xa foi presentada no Xulgado de Primeira Instancia de Madrid a demanda civil contra Carmen Franco, para esixir a devolución ao Concello das figuras de Abraham e Isaac, obras do Mestre Mateo que están en posesión da familia Franco. Martiño Noriega detallou que a acción xurídica foi interposta a través dun poder notarial, e sinalou que "a asesoría xurídica municipal estima que o máis probable é que a sentenza se demore polo prazo dun ano".
XUNTA DE GOBERNO
O Executivo local destinará case 1,3 millóns de euros á renovación do alumeado nos accesos á cidade
A Xunta de Goberno adxudicou este venres os contratos para a mellora das instalacións do alumeado público nos accesos á cidade, aos que se van destinar 1,3 millóns de euros. O alcalde, Martiño Noriega, lembrou que esta actuación "é posible grazas a que o Departamento de Medio Ambiente conseguiu un préstamo do IDAE, que nos facilita a renovación das instalacións". Martiño Noriega incidiu nos beneficios "tanto ambientais como en relación ao aforro económico que suporá esta...
ALCALDÍA
Recepción ás persoas participantes na IX Xornada Estatal de Psicoloxía da Violencia de Xenero
O alcalde, Martiño Noriega, e outros/as integrantes da Corporación recibiron en Raxoi os/as participantes na participantes na IX Xornada Estatal de Psicoloxía da Violencia de Xénero.
CONSORCIO
Arquitectos e expertos da cidade ecuatoriana de Quito visitarán Santiago a vindeira semana para coñecer os traballos de rehabilitación e xestión do centro histórico
A cidade ecuatoriana de Quito foi a primeira do mundo en ser declarada Patrimonio da Humanidade pola Unesco en 1978. Na actualidade está a traballar no Plan de Xestión do seu centro histórico e, en colaboración coa Axencia Española de Cooperación Internacional para o Desenvolvemento (AECID), elixiron as cidades españolas de Santiago e Málaga como modelos de referencia "innovadores e sostibles" que van servir para o deseño e implantación do seu plan. Vencellado a esta iniciativa, un equipo de expertos de Santiago...
ALCALDÍA
O Goberno municipal rende contas e recolle as demandas da veciñanza da zona urbana sur
O alcalde e os concelleiros e concelleiras do Goberno local mantiveron hoxe un novo encontro "Ao vivo", desta vez coa veciñanza da área urbana sur, que engloba os barrios de Conxo, Santa Marta, Choupana, Volta do Castro e Vidán. A reunión celebrouse na Sala Agustín Magán, do Centro Cívico de Santa Marta, e contou coa asistencia de máis de medio cento de veciños e veciñas do ámbito.
ACCIÓN CULTURAL
"EMPA#01", primeiro disco da Escola de Música Popular e Avanzada de aCentral Folque
A concelleira de Acción Cultural, Branca Novoneyra, presentou esta mañá en rolda de prensa o disco EMPA#01, resultado de dous anos de traballo nas aulas do Curso Maxistral da Escola de Música Popular Avanzada de aCentral Folque. Fíxoo acompañada de Alejandro Vargas e Alba María, ambos mestres da EMPA, alén de participantes no proxecto.
EDUCACIÓN E CIDADANÍA
Ábrese o prazo de inscrición para o Programa de Conciliación de Nadal
O concelleiro de Educación e Cidadanía, Manuel Dios, anunciou que este venres, 24 de novembro, ábrese o período de inscrición para o Programa Municipal de Conciliación do Nadal 2017-2018. O prazo remata o 11 de decembro. Ofrécese un total de 100 prazas, que serán outorgadas por orde de inscrición. As actividades realizaranse novamente no CEIP Raíña Fabiola e no CEIP As Fontiñas.