Noticias

O Atelier de Moda "Belén Mosquera" é a primeira empresa nacida a partir do Proxecto Equal Compostela Social, unha iniciativa que comezou a funcionar o pasado mes de febreiro e da que se agarda que saian unhas 50 empresas. A empresa botará a andar a vindeira semana e ten o seu local na Fonte de San Miguel.

As novas probas de andadura tradicional galega e un espectáculo de doma de alta escola son dúas das principias atraccións dunha nova edición Feira Cabalar da Ascensión. Coma nos últimos anos, o Mercado Nacional de Gando, en Amio, acollerá este evento, convertido xa nun clásico das festas.

Un grupo de 36 mulleres da Asociación Sociocultural de Mulleres de Romo "Gizatiar", procedente do municipio vasco de Getxo, foi recibido pola concelleira da Muller, Adelaida Negreira, na Casa do Concello. A recepción formaba parte dun encontro que permitiu a estas mulleres compartir experiencias e información con colectivos semellantes de Santiago.

Durante a noite do xoves 18 de maio, a Fundación Alcohol e Sociedade premiará a aqueles mozos que practiquen o condutor alternativo durante unha acción que se desenvolverá nunha zona de ocio da cidade. Deste xeito, pretende concienciar aos condutores do perigoso que resulta combinar alcohol e condución, ofrecéndolles esta solución práctica.

Diversos representantes da cultura, empresarios, mestres, funcionarios e colectivos composteláns foron recibidos pola corporación municipal na Casa do Concello, con motivo do inicio dos actos do Día das Letras Galegas.

Dentro das actividades previstas con motivo das Letras Galegas, a Escola Infantil Municipal de Conxo organizou un encontro cun artesán e músico de instrumentos tradicionais, Lois Mouriño.

Ata o 20 de xuño a empresa municipal de Turismo participa nas xornadas de comercialización organizadas por Turespaña nas tres principais urbes chinesas, nas que contactará con axentes de viaxe e xornalistas.

A Asociación Sociocultural de Mulleres de Romo "Gizatiar", procedentes do municipio vasco de Getxo, visitarán maña 16 de maio a cidade de Santiago. O obxectivo desta viaxe é coñecer e aproximarse ás políticas de igualdade que se están a levar a cabo dende o Concello de Santiago e compartir experiencias e información con outras asociacións e colectivos da muller da cidade.

Un ano máis, as Festas da Ascensión serán o marco para o encontro dos máis veteranos veciños da cidade, que celebrarán a Festa dos Maiores o vindeiro sábado 27 de maio. O recinto feiral de Amio acollerá novamente esta celebración, que cumpre a súa oitava edición e na que participaron arredor de dúas mil persoas maiores o pasado ano.

A Xunta de Goberno do Concello de Santiago aprobou provisionalmente o Plan de Sectorización dos terreos onde se situará a Cidade da Imaxe, en San Marcos. Este proxecto afectará a preto de 500.000 metros cadrados, dos que 240.000 serán edificables.