SEGURIDADE E MOBILIDADE
Preto do 97% dos vehículos comprobados na campaña de control do uso do cinto de seguridade e dos sistemas de retención infantil cumpría coa normativa
A Policía Local de Santiago finalizou o pasado domingo a campaña especial de control do uso do cinto de seguridade e dos sistemas de retención infantil, instrumentos que reducen á metade o risco de morte en caso de accidente.
INNOVACIÓN
Santiago participará nos premios "Smart Cities 2015" coa súa proposta de cidade intelixente "Smart iAGO"
O Concello de Santiago participará o vindeiro mes de abril nos premios Smart Cities 2015 coa súa proposta de cidade intelixente Smart iAGO. Estes galardóns, convocados pola fundación Socinfo e a revista Sociedade da Información, teñen o obxectivo de divulgar proxectos de desenvolvemento das Tecnoloxías da Información e Comunicación nas cidades, baixo o concepto de Smart City, aplicadas nos servizos á cidadanía e á mellora da eficacia interna.
ALCALDÍA
Máis de 400.000 euros en axudas para a rehabilitación doutras 21 vivendas no Casco Histórico de Compostela
O alcalde de Santiago, Agustín Hernández, participou, xunto coa ministra de Fomento, Ana Pastor, e o presidente da Xunta, Alberto Núñez Feijóo, no acto de sinatura dos acordos de áreas de rexeneración e renovación urbana no marco do Plan Estatal 2013-2016 en Galicia. No caso de Santiago, o documento asinado permitirá a rehabilitación doutras 21 vivendas no Casco Histórico, achegando 417.280 euros entre as tres administracións para un custo total de 651.280 euros.
TURISMO
O aeroporto de Santiago alcanza os 40.000 pasaxeiros en rutas internacionais ata febreiro, un 11,41% máis que no 2014
O aeroporto de Santiago moveu 39.693 pasaxeiros nas conexións internacionais directas do aeroporto operativas nos meses de xaneiro e febreiro. Esta cifra supón un crecemento acumulado do 11,41% respecto dos 35.627 pasaxeiros que houbo nestas conexións internacionais no 2014. Con respecto ao 2013, o crecemento nestes dous primeiros meses do ano foi do 50,05%, xa que naquel período o número de pasaxeiros foi de 26.453.
ALCALDÍA
Entregados os Premios Irmandade do Libro
O alcalde de Santiago, Agustín Hernández, xunto coa concelleira de Cultura, María Antón, e o conselleiro de Cultura, Educación e Ordenación Universitaria, Román Rodríguez, asistiu ao acto de entrega dos Premios Irmandade do Libro na súa XXIV edición.
DESENVOLVEMENTO URBANO SOSTIBLE
Iniciouse na praza Roxa o percorrido do punto limpo móbil
A Concellería de Desenvolvemento Urbano Sostible, a través da empresa Urbaser, concesionaria do servizo de recollida e do tratamento de residuos, pon en marcha un punto limpo móbil, co obxectivo de dar a coñecer e facilitar a xestión de residuos non voluminosos e a reciclaxe mediante a recollida selectiva. Este punto limpo móbil estará cada sábado nun punto da cidade ou do rural. A praza Roxa foi o punto de arranque deste vehículo.
XUNTA DE GOBERNO
O alcalde indica que a nova ordenanza de tramitación de licenzas urbanísticas fará que "sexa máis fácil e máis rápido que nunca emprender un negocio en Santiago"
O alcalde de Santiago, Agustín Hernández, anunciou a aprobación inicial pola Xunta de Goberno dunha nova Ordenanza reguladora da tramitación das licenzas urbanísticas e outras formas de intervención administrativa. Esta norma, que axilizará a tramitación na posta en marcha das actividades e obras de acondicionamento de locais, fará que "sexa máis fácil e máis rápido que nunca emprender un negocio en Santiago".
XUNTA DE GOBERNO
A norma reguladora do plan "Santiago Suma" garantirá a posta en marcha dun programa social municipal ao que o Concello destina un 86% máis que o pasado ano
A Xunta de Goberno deu o visto bo inicial á Ordenanza reguladora do programa "Santiago Suma", que recolle o contido do plan integral presentado a pasada semana e que supón un reforzo das medidas de inclusión social adoptadas por outras administracións. Inclúese así o novo catálogo de prestacións e medidas, no cal figura, entre outras, a renda de solidariedade activa.
XUNTA DE GOBERNO
A reurbanización do ámbito da Almáciga entre San Roque e San Caetano continuará co tramo entre Santa Clara e Basquiños
A Xunta de Goberno adxudicou as obras de urbanización do tramo entre Santa Clara e Basquiños, por un importe de 340.310 euros e un prazo de cinco meses. Continuarán así os traballos neste ámbito da Almáciga (entre San Roque e a praza da Paz), onde están a piques de rematar as obras do tramo entre Basquiños e Pastoriza.
XUNTA DE GOBERNO
O Concello encomenda ao Consorcio o proxecto de restauración do Auditorio
O Consorcio de Santiago será o encargado, a través dunha encomenda de xestión, de elaborar un proxecto de restauración do edificio do Auditorio de Galicia. A intervención estará destinada a reparar os danos que presenta, para que siga a manter os seus valores estéticos e cumpra o seu papel fundamental de acoller as actividades para as que foi deseñado como primeiro contedor cultural da cidade.