CULTURA
Dez espectáculos de marzo a maio nunha nova entrega do ciclo Danza 2015
A concelleira de Cultura, María Antón, e o director-xerente do Auditorio de Galicia, José Víctor Carou, presentaron a programación do ciclo Danza 2015 para os meses de marzo a maio. En total son 18 funcións de 10 espectáculos diferentes que combinan a danza co novo circo, o teatro, a música e o cinema. Na rolda de prensa estivo tamén presenta Baltasar Patiño, director de Hombres Bisagra, de Matarile Teatro, que poderemos ver no Teatro Principal do 25 ao 27 deste mes.
DESENVOLVEMENTO URBANO SOSTIBLE
O Concello realizará melloras en 24 parques infantís da cidade para adaptalos á normativa de seguridade vixente
As 76 áreas de xogo coas que conta o Concello foron sometidas a unha auditoría que revelou que 52 cumpren cos requisitos e é preciso acometer diferentes actuacións en 24. Os parques de Camilo Díaz Baliño, Galeras e Pontepedriña experimentarán unha remodelación completa. Investiranse 58.000 euros nas intervencións menores e realizaranse proxectos individualizados para as tres áreas que necesitan a rehabilitación integral.
CULTURA
Matrioshka Teatro abre un crowfunding para a súa xira de "C’est la vie", obra incluída no Bono de Teatro Galego e Portugués
A compañía compostelá Matrioshka comezou hai ben pouco a súa andaina con C’est la vie, unha peza teatral pola que conseguiron xa un premio María Casares. En Santiago poderemos vela o xoves 16 de abril, ás 20:30 horas, no Teatro Principal, enmarcada no Bono de Teatro Galego e Portugués. Agora, acaban de comezar unha campaña de crowfunding para poder realizar unha minixira galega e levar o espectáculo a diferentes vilas e cidades.
CULTURA
"O principio de Arquímedes" poderá verse no Teatro Principal o 4 de xuño
A obra de Teatro do Atlántico O principio de Arquímedes, que tivera que ser posposta por motivos de saúde do elenco, poderá verse finalmente o xoves 4 de xuño no Teatro Principal. As persoas que tivesen xa as súas entradas adquiridas para o venres 27 de febreiro non teñen que facer nada, xa que esa entrada será válida para a nova data. Os que a adquirirán para o 28 de febreiro teñen que pasar polo despacho de billetes trocala pola nova entrada que lle será reasignada na mesma butaca ou, de non ser iso...
ALCALDÍA
Agustín Hernández sitúa a Salvador García-Bodaño entre os "bos e xenerosos" e destaca o seu "irrenunciable compromiso cívico con Galicia e con Compostela"
O alcalde, Agustín Hernández, presidiu no Auditorio de Galicia, xunto co presidente da Xunta, Alberto Núñez Feijóo, o acto de entrega do titulo de Fillo Adoptivo da cidade e Medalla de Ouro do Concello de Santiago a Salvador García-Bodaño. Esta distinción ao escritor fora acordada por unanimidade da Corporación municipal nun Pleno celebrado o pasado mes de decembro, "en recoñecemento á súa relevancia e pola súa implicación na vida cultural de Compostela e de Galicia".
CONSORCIO
Alumnos do Conservatorio de Santiago tocan esta semana coa Real Filharmonía de Galicia
A Real Filharmonía de Galicia e o Conservatorio Profesional de Música de Santiago de Compostela colaboran en diversas iniciativas de carácter musical. Entre estes proxectos destaca a celebración de actuacións conxuntas entre músicos da orquestra e xoves alumnos do Conservatorio, con idades comprendidas entre os 14 e os 18 anos. Esta semana ofrecerán dous concertos didácticos para estudantes de primaria e secundaria, o mércores e o xoves, ás 11:00 horas no Auditorio de Galicia. E o sábado, ás 18:30 horas,...
ALCALDÍA
Hernández propón un plan de reactivación que reforce a Santiago como capital de Galicia e líder dunha grande área metropolitana
O alcalde de Santiago, Agustín Hernández, participou como relator no almorzo informativo de Nueva Economía Forum, celebrado no Hostal dos Reis Católicos. Na súa intervención apostou para Compostela por un "plan de reactivación que a oriente cara a un novo concepto de cidade", que a potencie como "unha cidade aberta, plural, moderna, creativa, social e cultural". Para lograr iso, fixou catro eixes fundamentais: o impulso do diálogo e da colaboración co conxunto das Administracións, a modernización...
ALCALDÍA
O alcalde destaca a Carlos Maside como "figura clave do renacemento artístico e cultural da nosa Comunidade"
O alcalde de Santiago, Agustín Hernández, presidiu o acto de colocación dunha placa en homenaxe a Carlos Maside na casa onde vivirá o pintor, no número 42 da rúa do Vilar. Tal día como hoxe, hai 118, o artista nacía en San Xulián de Requeixo (Pontecesures).
ALCALDÍA
Case un millón de euros para a ampliación dos colexios Monte dos Postes e Roxos
O alcalde de Santiago, Agustín Hernández, e o conselleiro de Cultura, Educación e Ordenación Universitaria, Román Rodríguez, visitaron o CEIP Monte dos Postes, onde puideron comprobar os avances dos traballos de ampliación e de mellora da accesibilidade do centro, que contan cun orzamento de máis de 300.000 euros. Posteriormente trasladáronse ao CEIP de Roxos, en cuxa ampliación o departamento autonómico investirá 650.000 euros.
TURISMO
Turismo promociona a cidade como destino para "Meetings e incentives" no MIS 2015
Turismo de Santiago, a través do Santiago Compostela Convention Bureau (SCCB), participa este martes na terceira edición do Meetings & Incentives Summit (MIS), que terá lugar en Madrid. O MIS é un novo evento innovador destinado exclusivamente a organizadores de eventos, tanto axencias especializadas como clientes finais, entre os que se atopan grandes empresas españolas e internacionais.