MEDIO AMBIENTE
O Concello pon a disposición dos veciños 48 novos composteiros para a reciclaxe do lixo orgánico
A Concellaría de Medio Ambiente abre, a partir de mañá mércores 7 de febreiro, o prazo para solicitar composteiros de uso domiciliario. O Concello distribuirá un total de 48 novas unidades destes composteiros –estruturas onde se depositan os residuos orgánicos para transformalos en compost– e ofrecerá asesoramento técnico sobre a viabilidade e as posibilidades deste sistema.
CENTROS SOCIOCULTURAIS
O Centro Sociocultural da Trisca programa novas actividades
Nenos e adultos están invitados a participar nas distintas actividades que o Centro Sociocultural da Trisca, no barrio de San Pedro, programa para as vindeiras semanas. Diversos obradoiros e xogos integran a oferta.
FUNDACIÓN GRANELL
Arte popular relixiosa na Colección Eugenio Granell
A Fundación Eugenio Granell presenta unha pequena escolla de arte popular relixioso, feito por persoas anónimas. Forma parte da colección de arte étnica que Eugenio Granell foi facendo ó longo da súa vida. A arte popular é tida en grande consideración polo movemento surrealista, e por suposto por Granell.
ALCALDÍA
O alcalde recibiu ao novo cónsul xeral de Cuba en Galicia
Alejandro Fuentes vén de ser nomeado cónsul xeral de Cuba en Galicia, en substitución de María Sánchez. Con motivo da súa incorporación ao cargo, quixo manter un primeiro contacto con alcalde compostelán, Xosé A. Sánchez Bugallo, que o recibiu en Raxoi.
CULTURA
Aldo Ceccato chega a Compostela para dirixir á Real Filharmonía de Galicia
O concerto da Real Filharmonía de Galicia do xoves 8 contará coa batuta do milanés Aldo Ceccato, un dos directores máis prestixiosos de Europa. Ata 2004 foi director artístico e musical da orquestra I Pomeriggi Musicali, de Milán, unha das formacións máis antigas de Italia, e que xa fora dirixida por mestres de sona coma Bernstein ou Giulini. A día de hoxe é director principal da Orquesta Filarmónica de Málaga, principal motor do desenvolvemento cultural da cidade andaluza.
PERSOAL
Pechado o acordo retributivo co persoal municipal
O Goberno municipal pechou coas centrais sindicais CIG e CC.OO. un acordo que determinará o incremento das retribucións dos empregados municipais para os vindeiros anos. A súa vixencia rematará no 2010.
CULTURA
O portugués, ao alcance da man
"Aprende em 25 segundos a ler em portugués" é o título dunha campaña que pretende concienciar aos cidadáns do sinxelo que é acceder ao portugués para un galego. Esta iniciativa está a permitir repartir en centros de ensino e librarías dípticos e marcadores de libros coas equivalencias máis xerais entre os dous idiomas.
FESTAS
Máis de 126.000 euros para as festas do Antroido
O Goberno local aprobou un orzamento de 126.830 euros para as festas do Antroido 2007. O concelleiro de Festas, Xosé Baqueiro, presentará en breve o programa detallado destas celebracións, que terán lugar entre o 17 e 21 de febreiro.
EDUCACIÓN
12 mozos e mozas poderán viaxar a París
O Concello de Santiago participará no programa "Vivir o mundo: vivir Europa", convocado pola Deputación da Coruña, tal como acordou a Xunta de Goberno. Esta iniciativa permitirá a 12 mozos e mozas, de entre 12 e 14 anos, viaxar a París no mes de abril.
URBANISMO
Aprobado o proxecto de compensación do SUNP-4 do Camiño Francés
A Xunta de Goberno local aprobou de xeito definitivo o proxecto de compensación do solo SUNP-4, no Camiño Francés. Cómpre lembrar que se trata da área onde se construirá o futuro centro comercial das Cancelas e varios bloques de vivendas.